Xodimlarni boshqarishda (HR) xavflarni aniqlash boʻlimi - Bosh komplayens nazoratchisi

Komplayens xizmati, Xodimlarni boshqarishda (HR) xavflarni aniqlash boʻlimi - Bosh komplayens nazoratchi lavozimiga qo‘yilgan talablar.

Аsosiy vazifalari:

• Xizmat faoliyatini amaldagi qonunchilik, ichki me’yoriy hujjatlar, korxona standartlari va komplayens talablari asosida tashkil etish hamda ularning bajarilishini ta’minlash.
• Korxonada korrupsiyaning oldini olish, korrupsiyaviy xavf-xatarlarni aniqlash, baholash va kamaytirish, manfaatlar to‘qnashuvini boshqarish hamda ushbu yo‘nalishda nazorat va tahlil ishlarini amalga oshirish.
• Xodimlarni ishga qabul qilish, lavozimga tayinlash, boshqa ishga o‘tkazish va mehnat shartnomalarini tuzish jarayonlarining shaffofligi, qonuniyligi va ichki tartiblarga muvofiqligini monitoring qilish.
• Xodimlarni tanlash, test sinovlari, xizmat safarlari, stajirovkalar va boshqa HR jarayonlarining adolatli, shaffof hamda belgilangan tartibda amalga oshirilishini nazorat qilish.
• Xodimlarning qonunbuzarliklari, intizomiy jazolari, xizmat tekshiruvlari, "Black list" va boshqa nazorat ma’lumotlari bazalarini shakllantirish, yuritish, tahlil qilish hamda takroriy holatlarning oldini olish bo‘yicha takliflar ishlab chiqish.
• Mehnat intizomi, ish vaqti hisobi, SKUD tizimi, shtatlar jadvali, ish haqi, ustamalar, rag‘batlantirish va boshqa to‘lovlarning qonuniyligi hamda ichki tartiblarga muvofiqligini o‘rganish va tahlil qilish.
• Manfaatlar to‘qnashuvi, nepotizm, favoritizm, mahalliychilik va boshqa korrupsiyaviy omillarni aniqlash, ularning oldini olish hamda xodimlar o‘rtasida komplayens madaniyatini shakllantirish bo‘yicha tadbirlarni tashkil etish.
• Xodimlarni komplayens, korrupsiyaga qarshi kurashish va xizmat etikasi yo‘nalishlarida o‘qitish, yuqori korrupsiyaviy xavfga ega lavozimlarda ishlovchi xodimlarning o‘quv jarayonlarida ishtirokini nazorat qilish.
• O‘z vakolatlari doirasida kuzatuvlar, monitoring va tekshiruvlar o‘tkazish, aniqlangan qonunbuzarliklar hamda korxonaga yetkazilgan moddiy zararlar yuzasidan tahliliy xulosalar va takliflarni rahbariyatga kiritish.

Таlаblаr:

• Oliy, yurisprudensiya, iqtisodiyot, moliya, soliq, audit, tizimli tahlil, menejment yoki axborot texnologiyalari mutaxassisligi boʻyicha oliy maʼlumotga ega, yo‘nalish bo‘yicha 3 yildan kam boʻlmagan ish stajiga ega bo‘lgan.
• Sertifikatga ega bo‘lgan (korrupsiyaga qarshi kurashish sohasida).
• ISO 37001:2016 va ISO 37301:2021 xalqaro standartlari, korrupsiyaga qarshi kurashish hamda komplayens menejmenti tizimi bo‘yicha bilimlarga ega bo‘lish.
• Til ko‘nikmalari: Ingliz va rus tillarini bilishi.
• MS Office (Word, Excel, PowerPoint) dasturlarida ishlay olishi.
• Korxona siyosati, prinsiplari, strategiyalarini tushinishi kerak.

Mehnat sharoitlari:

• Ijtimoiy paket;
• Mehnat ta’tili;
• Maxsus uniforma;
• Issiq ovqat;
• Tibbiy ko‘rik va malaka oshirish kurslari;
• O‘zbekiston Respublikasi Mehnat Kodeksiga muvofiq ish bilan taʼminlash;
• Ish haqi: Mehnat shartnomasi asosida;
• Ish vaqti: Ish grafik asosida;
• Ish joyi: Toshkent shahar