Sotuv bo'limi rahbari (ROP)

"Savod o'quv markazi" — O‘zbekistonda arab tilini o‘qitish bo‘yicha yetakchi o‘quv markazidir. 10 yildan ortiq vaqt davomida biz vaqt sinovidan o‘tgan mualliflik metodikalarimiz orqali talabalarimizga yangi marralarni zabt etishda ko‘maklashib kelmoqdamiz.

Bizning maqsadimiz — ahil va professional muhitda sifatli bilim ulashishdir. Biz bilan birga yuksalishga hamda sifatli ta’lim rivojiga o‘z hissasini qo‘shishga tayyor bo‘lgan nomzodlarni jamoamizga taklif etamiz!

Agar siz quyidagilarni izlayotgan bo‘lsangiz, bizning jamoaga qo‘shiling:

• Ahil va o‘z oldiga katta maqsadlar qo‘ygan jamoa;

• Sizning tajribangizga bo‘lgan hurmat va yangi g‘oyalaringiz qo‘llab-quvvatlanishi;

• Eng nufuzli til markazlaridan birida faoliyat yuritish imkoniyati.

Vazifalar:

• KPI ko‘rsatkichlari va savdo rejasining bajarilishini ta’minlash;

• Sotuv voronkasi tahlili;

• Qo‘ng‘iroqlar sifatini nazorat qilish;

• CRM tizimi bilan ishlash;

• Xodimlarni o‘qitish va savdo skriptlarini takomillashtirish;

• Kunlik hisobotlarni yuritish;

• Xodimlarning ish samaradorligini oshirish.

Nomzodga qo‘yiladigan talablar:

• Savdo bo‘limi rahbari (ROP) lavozimida kamida 1 yillik ish tajribasi;

• Bitrix24 tizimida mukammal ishlash ko‘nikmasi;

• O‘qitish va murabbiylik qobiliyati;

• Stressga chidamlilik va qat’iyatlilik;

• Sotuv voronkasi ko‘rsatkichlarini (konversiya, o‘rtacha chek, lidlar sifati) chuqur tushunish;

• Rivojlangan boshqaruv va yetakchilik fazilatlari;

• Talabchanlik va natijaga yo‘naltirilganlik.

Ish sharoitlari:

• Tez sur’atlarda rivojlanayotgan kompaniyada faoliyat yuritish;

• Shaffof KPI tizimi va aniq belgilangan rejalar;

• Shinam ofis va qulay ish muhiti;

• Ahil va do‘stona jamoa.