Sotuv direktori | Коммерческий директор

1. Lavozim haqida umumiy ma’lumotlar.

1.1. Shtat ma’lumotlari:
a) lavozim nomi – Sotuv va rivojlantirish departamenti direktori (bundan keyin matnda direktor);
b) bo‘lim – Sotuv va rivojlantirish departamenti;
c) kimga bo‘ysunadi – Bosh boshqarma bosh direktori;
d) kimlar unga bo‘ysunadi – Bosh boshqarma hamda brend ostida faoliyat ko‘rsatuvchi kompaniyalardagi barcha savdo xodimlari;
e) lavozim maqsadi – kompaniya hamda brend nomi ostida faoliyat yuritayotgan kompaniyalarda sotuv jarayonlarini samarali tashkil etish, daromadni oshirish, mijozlar bazasini kengaytirish hamda barqaror sotuv tizimini yo‘lga qo‘yish.

1.2. Ish faoliyati:
a) ish joyi – Shartnomaga ko‘ra;
b) ish vaqti tartibi – Shartnomaga ko‘ra;
c) ish kiyimi – klassik.

1.3. Umumiy vazifalar:
a) departament faoliyatini boshqarish va muvofiqlashtirish;
b) sotuv strategiyasini ishlab chiqish va amalga oshirish;
c) kompaniyalarda sotuv jarayonlarini tashkil etish va nazorat qilish;
d) mijozlar bazasini kengaytirish va rivojlantirish;
e) marketing va reklama faoliyatini muvofiqlashtirish;
f) sotuv hajmini oshirish bo‘yicha choralar ishlab chiqish;
g) franshiza va tashqi aloqalar faoliyatini rivojlantirish;
h) konsalting xizmatlarini rivojlantirish va joriy etish;
i) raqobat muhitini tahlil qilish va strategik takliflar ishlab chiqish;
j) rahbariyatga sotuv natijalari bo‘yicha hisobotlar taqdim etish.

1.4. Talab etilgan ma’lumot:
a) oliy ma’lumot (marketing, biznes boshqaruvi, iqtisod yoki tegishli yo‘nalish);
b) magistr darajasi (afzal);
c) sotuv yoki marketing bo‘yicha professional sertifikatlar (afzal).

1.5. Ish tajribasi:
a) sotuv yoki marketing sohasida kamida 3–5 yillik boshqaruvchilik tajribasi;
b) bir nechta filial yoki tarmoq bilan ishlash tajribasi (afzal).

1.6. Bilimlar:
a) sotuv va marketing asoslari;
b) mijozlar bilan ishlash va CRM tizimlari;
c) bozor tahlili va raqobat muhitini o‘rganish;
d) brend rivojlantirish va reklama strategiyalari;
e) muzokara va savdo psixologiyasi;
f) biznes jarayonlarni boshqarish tamoyillari;
g) o‘zbek va rus tillarini (og‘zaki va yozma tarzda) mukammal bilishi (ingliz tilini ham bilishi afzal);
h) MS Office (Word, Excel), Google Drive va boshqa raqamli vositalarni bilish.

1.7. Ko‘nikmalar:
a) sotuv jarayonlarini tashkil etish va boshqarish;
b) KPI asosida ishlash;
c) hisobot tayyorlash;
d) kuchli strategik fikrlash va tizimli boshqaruv ko‘nikmalari;
e) jamoa bilan ishlash, liderlik va kommunikatsiya qobiliyati.

1.8. Shaxsiy sifatlar:
a) liderlik qobiliyati;
b) mas’uliyatlilik;
c) tizimli fikrlash;
d) adolatli baholash;
e) natijaga yo‘naltirilganlik;
f) stressga chidamlilik.