Data scientist / ML Engineer (middle+)

O‘zbekiston Respublikasi Milliy statistika qo‘mitasi huzuridagi “DigitStat — Raqamli statistika markazi” MCHJ jamoasi statistik ma’lumotlar asosida zamonaviy AI va Machine Learning yechimlarini yaratishga tayyor, kuchli tahliliy fikrlash qobiliyatiga ega mutaxassisni Data Scientist / ML Engineer (Middle+) lavozimiga taklif etadi.

DigitStat — O‘zbekiston Respublikasi Prezidentining 2026-yil 13-martdagi PQ-103-son qarori asosida tashkil etilgan bo‘lib, milliy statistika tizimini raqamlashtirish bo‘yicha yagona integrator hisoblanadi.

Agar siz Machine Learning modellarini yaratish va production muhitiga joriy etish, rasmiy statistika asosida AI mahsulotlarini ishlab chiqish hamda davlat miqyosidagi raqamli loyihalarda o‘z tajribangizni qo‘llashni istasangiz — ushbu vakansiya aynan siz uchun!

Lavozim majburiyatlari:

• statistik ma’lumotlar asosida Machine Learning modellarini ishlab chiqish, sinovdan o‘tkazish va production muhitiga joriy etish;
• makroiqtisodiyot, narxlar va demografiya yo‘nalishlarida vaqt qatorlarini prognozlash (time series forecasting) modellarini yaratish;
• registrlar va statistik kuzatuvlar ma’lumotlari asosida klassifikatsiya va regressiya modellarini ishlab chiqish;
• rasmiy statistika ma’lumotlari asosidagi STAT-AI tizimini yaratishda ishtirok etish, jumladan LLM va RAG arxitekturasi bilan ishlash;
• STAT-AI javoblarida foydalanilgan rasmiy ma’lumotlar manbasini ko‘rsatish mexanizmlarini ishlab chiqish;
• o‘zbek va rus tillaridagi statistik ma’lumotlar bilan ishlaydigan AI yechimlarini rivojlantirish;
• davlat organlari va korporativ buyurtmachilar ehtiyojlari uchun AI/ML yechimlarining tezkor prototiplarini ishlab chiqish;
• feature engineering, model evaluation va ma’lumotlarni tayyorlash jarayonlarini amalga oshirish;
• nomutanosib (imbalanced), to‘liq bo‘lmagan va sifati turlicha bo‘lgan real ma’lumotlar bilan ishlash;
• bir vaqtning o‘zida bir nechta Data Science va AI loyihalarini olib borish.

Malakaviy talablar:

• Data Science yoki Machine Learning yo‘nalishida kamida 3 yillik amaliy ish tajribasi;
• Python va SQL (PostgreSQL) bilan ishonchli ishlash;
• Pandas, NumPy va Scikit-learn kutubxonalarini yaxshi bilish;
• PyTorch yoki TensorFlow bilan amaliy ishlash tajribasi;
• statistikaning asosiy usullarini, jumladan tanlanma usuli, ishonch intervallari, gipotezalarni tekshirish va vaqt qatorlarini yaxshi tushunish;
• feature engineering va ML modellarini baholash (model evaluation) bo‘yicha amaliy tajriba;
• nomutanosib va “iflos” ma’lumotlarni qayta ishlash ko‘nikmasi;
• Git bilan ishlash hamda ML modellarini production muhitiga chiqarish jarayonini tushunish;
• statistik sir va shaxsga doir ma’lumotlar kabi maxfiy ma’lumotlar bilan qat’iy reglamentlar asosida ishlashga tayyorlik;
• o‘zbek va rus tillarini erkin bilish.

Qo‘shimcha ustunliklar:

• LLM, Hugging Face, RAG, LangChain/LangGraph, AI Agents va Tool Calling texnologiyalari bilan ishlash tajribasi;
• LoRA/PEFT, shuningdek CUDA/GPU uchun modellarni optimallashtirish bo‘yicha bilim va tajriba;
• o‘zbek tilidagi NLP loyihalarida, jumladan tokenizatsiya va modellarni fine-tuning qilishda tajriba;
• GeoPandas, PostGIS va QGIS bilan ishlash;
• ClickHouse yoki boshqa analitik ma’lumotlar bazalari bilan ishlash tajribasi;
• FastAPI, Docker, MLflow, Airflow yoki dbt texnologiyalarini bilish;
• rasmiy statistika metodologiyasi, jumladan IFUT (OKED), registrlar va ro‘yxatga olish jarayonlari haqida tushunchaga ega bo‘lish;
• davlat sektori yoki tadqiqot kompaniyalaridagi Data Science/AI loyihalarida ishlash tajribasi;
• davlat sektorida AI tizimlariga qo‘yiladigan talablar, jumladan human-in-the-loop va model qarorlarining tushuntiriluvchanligi (explainability) tamoyillarini tushunish.

Afzalliklar:

• Mehnat qonunchiligiga muvofiq rasmiy ishga qabul qilish;
• IT bozoriga mos raqobatbardosh ish haqi — yakuniy miqdor suhbat natijalariga ko‘ra belgilanadi;
• Amalga oshirilgan loyihalar natijalariga ko‘ra qo‘shimcha mukofotlar;
• Milliy statistika tizimi uchun AI va Machine Learning mahsulotlarini yaratishda bevosita ishtirok etish;
• STAT-AI, prognozlash, NLP va geoanalitika kabi zamonaviy yo‘nalishlardagi loyihalar bilan ishlash;
• Katta hajmdagi real statistik ma’lumotlar asosida professional tajribani rivojlantirish;
• Professional Data Science, Data Engineering va AI jamoasi bilan hamkorlikda ishlash;
• Ish jadvali: 5/2, soat 9:00–18:00;
• Ish joyi: Toshkent shahri, Mustaqillik shoh ko‘chasi, 63-uy — Milliy statistika qo‘mitasi binosi;
• Sinov muddati — 3 oy, dastlabki 14 kunlik onboarding dasturi bilan.