Финансовый директор (CFO)

Vakansiya: Moliya direktori (CFO)

Jadal o‘sayotgan logistika kompaniyasi o‘z jamoasiga strategik fikrlaydigan va global moliyaviy oqimlarni boshqara oladigan Moliya direktorini (CFO) qidirmoqda.

Bizga shunchaki raqamlarni hisoblaydigan hisobchi emas, balki biznesni kengaytirishda, transchegaraviy operatsiyalarni optimallashtirishda va moliyaviy xavflarni boshqarishda ishonchli biznes-hamkor bo‘la oladigan yetakchi kerak.

Lavozimning asosiy maqsadi:

Kompaniyaning moliyaviy barqarorligini ta'minlash, xalqaro tranzaksiyalarni (RMB/USD/UZS) optimallashtirish, logistika zanjiridagi har bir bosqichning "unit economics"ini (birlik iqtisodiyotini) to‘g‘ri shakllantirish va moliya bo‘limi faoliyatini tizimlashtirish.

Asosiy vazifalar:

• Strategik rejalashtirish: Kompaniyaning qisqa va uzoq muddatli moliyaviy strategiyasini, byudjetlashtirishni (FP&A) hamda biznes-modellarni ishlab chiqish.

• Transchegaraviy tranzaksiyalar: Xitoy va boshqa xalqaro hamkorlar bilan hisob-kitoblarni boshqarish, valyuta tebranishlari xavfini (hedging) minimallashtirish.

• Boshqaruv hisobi va KPI: Moliya bo‘li uchun aniq moliyaviy KPI va OKR tizimlarini joriy etish, shaffof boshqaruv hisobini (P&L, Cash Flow, Balance Sheet) yuritish.

• Xarajatlarni optimallashtirish: Logistika zanjiridagi xarajatlarni (kargo, bojxona, omborxona, transport) chuqur tahlil qilish va marjinallikni oshirish choralarini ko‘rish.

• Moliyaviy modellashtirish: Yangi yo‘nalishlar va loyihalar bo‘yicha investitsion jozibadorlikni hamda qoplanish muddatini hisoblash.

• Soliq va huquqiy muvofiqlik: O‘zbekiston va xalqaro soliq qonunchiligi doirasida soliq yukini qonuniy optimallashtirish hamda audit jarayonlariga boshchilik qilish.

• Avtomatlashtirish: Moliyaviy hisobot jarayonlarini raqamlashtirishga (ERP, 1C kabi tizimlarni moslashtirishga) rahbarlik qilish.

Nomzodga qo‘yiladigan talablar:

• Tajriba: Moliya direktori, Moliyaviy nazoratchi (Financial Controller) yoki Moliya bo‘limi boshlig‘i lavozimida kamida 3 yillik muvaffaqiyatli ish tajribasi (Logistika, TIF, import-eksport yoki ta'minot zanjiri sohalarida tajriba ustunlik beradi).

• Ta'lim va sertifikatlar: Moliya, Iqtisodiyot yoki Buxgalteriya hisobi bo‘yicha oliy ma'lumot. ACCA, CPA, CIMA yoki shunga o‘xshash xalqaro sertifikatlarga ega bo‘lish katta ustunlik hisoblanadi.

• Ko‘nikmalar: IFRS (MHXS) standartlarini mukammal bilish, soliq rejalashtirish va kassa uzilishlari (cash gap) ni oldini olish tajribasi.

• Tillar: O‘zbek tilini mukammal bilish; Ingliz yoki Xitoy tillarini bilish xalqaro hamkorlar bilan ishlash uchun juda katta afzallik beradi.

• Shaxsiy sifatlar: Analitik fikrlash, yuqori darajadagi mas'uliyat, jamoani ilhomlantira olish va murakkab krizis vaziyatlarida sovuqqonlik bilan qaror qabul qilish qobiliyati.

Biz nima taklif qilamiz?

• Raqobatbardosh ish haqi: Bozordagi eng yaxshi takliflardan biri.

• Keng vakolatlar: Moliyaviy jarayonlarni o‘z qarashlaringiz va ilg‘or xalqaro metodologiyalar asosida noldan qurish va boshqarish imkoniyati.

• Rivojlanish: Xalqaro miqyosda tez o‘sayotgan biznes va kuchli mutaxassislar jamoasi.

• Zamonaviy muhit: Qulay ofis sharoitlari va korporativ madaniyat.

Xabar qoldirishda muqova xatida ish tajribangiz va muvaffaqiyatli keyslaringiz haqida yozing
Muhim: to`liq bo`lmagan resume, ish tajribasi bo`yicha ma`lumotlar yo`qligi nomzodlarni ko`rmasdan qoldirishga sabab bo`ladi.