Менеджер по закупкам и снабжению

Kansmarket — Samarqand shahrida joylashgan kitoblar, o‘quv anjomlari sotuviga ixtisoslashgan do‘kon.
Sotib olish menejeri — do‘konning "yuragi" bo‘lgan tovar zaxiralarini boshqaruvchi mutaxassisdir. Uning maqsadi — kerakli mahsulotni, kerakli vaqtda, eng maqbul narxda do‘konga yetkazilishini ta’minlash. U xaridlar strategiyasini ishlab chiqadi va "o‘lik zaxira" (sotilmay turib qolgan tovar) hosil bo‘lishining oldini oladi.

Asosiy strategik vazifalar

1. Zaxira tahlili va Xaridlarni rejalashtirish

• ABC/XYZ tahlili: Mahsulotlarni sotilish tezligi va foydaliligiga qarab toifalarga ajratish (qaysi kitoblar doim bo‘lishi shart, qaysilari esa buyurtma asosida).

• Defitsit nazorati: Top-sotuvdagi kitob va kanselyariya mollarining qoldig‘i "kritik nuqta"ga yetganda avtomatik buyurtma berish tizimini yuritish.

• Mavsumiylikni hisobga olish: O‘quv yili boshlanishi, bayramlar va imtihonlar mavsumi uchun zaxiralarni 1-2 oy oldindan shakllantirish.

2. Yetkazib beruvchilar bilan strategik hamkorlik

• Muzokaralar: Yetkazib beruvchilar bilan eng kam narx, kechiktirib to‘lash (rassrochka) yoki sotilmagan tovarlarni qaytarish shartlari bo‘yicha muzokara olib borish.

• Logistika optimizatsiyasi: Toshkent yoki boshqa hududlardan yuk tashish xarajatlarini kamaytirish choralarini ko‘rish.

• Yangi hamkorlar: Bozorga kirib kelayotgan yangi nashriyotlar va brendlar bilan birinchi bo‘lib aloqa o‘rnatish.

3. Sifat nazorati va Integratsiya

• Qabul qilish (Priemka): Kelgan tovarlarning soni, sifati va hisob-fakturalar bilan mosligini shaxsan tekshirish.

• Marketing hamda savdo bilan bog‘liqlik: Marketing hamda savdo menejeri bilan rejalashtirilgan aksiyalar uchun yetarli tovar zaxirasi borligini muvofiqlashtirish.

Nomzodga qo'yiladigan talablar:

• O'zbek va rus tillarida savodli yozish va so'zlashish qobiliyati (imlo xatolarisiz).

• Kompyuter va smartfon dasturlari (Telegram bot, Excel, savdo dasturlari) bilan ishlash tajribasi.

• Kitob olamiga qiziqish va mijozlar bilan xushmuomalalik.

• Tahliliy fikrlash va kreativ yondashuv.

💰 Biz nimalarni taklif etamiz:

• Barqaror maosh + motivatsion KPI bonuslari.

• Karyera qilish, treninglar va mahsulot bo‘yicha yo‘riqnomalar.

• Sifatli ish muhiti va jamoaviy qo‘llab-quvvatlash.

• Ish haqqi: 6 mln so'm(sinov muddatida)

• Ish vaqti: 09:00 – 19:00, tushlik 13:00 – 14:00.

• Manzil: Samarqand shahri, Abdurahmon Jomiy ko’chasi, 94-uy. Mo’ljal: Yoshlar markazi bekati

• Professional o'sish va kitoblar olamida qiziqarli ish muhiti.