Inson resurslarini boshqarish HR departamenti Mehnat intizomi va kasb etikasi xizmati rahbari

Talablar:

Oliy yuridik yoki boshqaruv ma’lumoti (huquq, davlat boshqaruvi, kadrlar sohasida);

Huquq-tartibot organlari, komplaens, ichki audit, kadrlar yoki etika sohalarida eng kamida 6 yillik ish tajribasi;

Xizmat intizomi, kasbiy odob-axloq, korrupsiyaga qarshi kurash va ichki xizmat tekshiruvlari yuzasidan tajriba;

Kasbiy kommunikatsiya, tahlil qilish, ichki nazorat va hisobotlar yuritish qobiliyati;

Qonunchilik va ichki normativ hujjatlar bilan ishlash ko‘nikmasi;

O‘zbek tilida erkin, rus tilida ish yuritish darajasida bilish (ingliz tili bilimi afzallik hisoblanadi).

Vazifalari

Mehnat intizomi va xizmat odobi qoidalariga rioya etilishini nazorat qilish, xodimlar o‘rtasida etik me’yorlarni mustahkamlash;

Ichki xizmat tekshiruvlarini tashkil etish va o‘tkazish, intizomiy javobgarlik choralarini ishlab chiqish va muvofiqlashtirish;

Korporativ etika, xizmat intizomi, korrupsiyaga qarshi siyosat va ichki axloq qoidalari bo‘yicha doimiy monitoring va tahlil yuritish;

Xodimlarga xizmat odobi, axloq, etika, korrupsiyaga qarshi kurash va korporativ madaniyat bo‘yicha doimiy ravishda treninglar va tushuntirish ishlarini tashkil etish;

Korrupsiya va xizmatda suiiste’mol holatlarini aniqlash, tahlil qilish va tegishli organlarga xabar berish;

Ish joyidagi huquqbuzarliklarning oldini olishga qaratilgan profilaktik chora-tadbirlar ishlab chiqish;

Xodimlar o‘rtasida kasbiy madaniyat va shaxsiy mas’uliyatni shakllantirish, rahbariyatga tahliliy xulosalar taqdim etish;

Komplaens-nazorat, ichki nazorat va ishchi muhitning shaffofligini ta’minlashga qaratilgan ishlarni muvofiqlashtirish.

Ish shartlari:

To‘liq ish vaqti, rasmiy mehnat shartnomasi asosida;

Davlat va korporativ standartlarga muvofiq maosh va ijtimoiy kafolatlar;

Malakaga qarab xizmat zinasi bo‘yicha o‘sish imkoniyatlari;

Kasbiy tayyorgarlik va rivojlanish uchun doimiy ta’lim dasturlari.