Ҳудудий филиаллар билан ишлаш департаменти директори

Асосий вазифалари:

- Ҳудудларда Жамиятнинг товар-хом ашё биржаси ва давлат харидлари оператори сифатидаги фаолиятини ривожлантириш, биржа савдолари ва давлат харидларида иштирокчилар сони ва фаоллигини оширишга қаратилган чора-тадбирларни ишлаб чиқиш ва амалга ошириш;

- Ҳудудларда товар ишлаб чиқарувчилар, етказиб берувчилар, харидорлар, тадбиркорлик субъектлари, давлат харидлари иштирокчилари ва бошқа потенциал мижозлар билан ҳамкорликни йўлга қўйиш ҳамда янги иштирокчиларни жалб қилиш;

- Ҳудудлар кесимида товар-хом ашё бозори ва давлат харидлари соҳасидаги имкониятларни ўрганиш, потенциал иштирокчилар базасини шакллантириш, ҳудудий бозорларни ривожлантириш бўйича таҳлилий маълумотлар ва амалий таклифлар тайёрлаш;

- Биржа савдолари ва давлат харидларида иштирок этиш имкониятлари, Жамиятнинг электрон савдо платформалари ва хизматлари бўйича ҳудудларда учрашувлар, семинарлар, тақдимотлар ва ахборот-тушунтириш тадбирларини ташкил этиш;

- Ҳудудларда биржа савдолари ва давлат харидлари ҳажмини, иштирокчилар фаоллигини ҳамда Жамият хизматларидан фойдаланиш кўрсаткичларини таҳлил қилиш ва уларни ошириш бўйича чора-тадбирларни белгилаш;

- Ҳудудларда Жамиятнинг фаолиятини кенгайтириш, янги хизмат ва йўналишларни ривожлантириш, шунингдек, келгусида ҳудудий филиаллар ва бошқа тузилмаларни ташкил этиш имкониятларини ўрганиш ва раҳбариятга асослантирилган таклифлар киритиш;

- Ҳудудларда Жамиятнинг манфаатларини ифодалаш, давлат органлари, маҳаллий ҳокимликлар, тадбиркорлик субъектлари ва бошқа ташкилотлар билан ишчан ҳамкорликни йўлга қўйиш;

- Департамент фаолияти натижадорлигини таъминлаш, белгиланган кўрсаткичларнинг бажарилишини мониторинг қилиш ва амалга оширилган ишлар натижалари бўйича раҳбариятга ҳисобот ва таклифлар киритиш.

Талаблар:

- Олий маълумот — иқтисодиёт, молия, менежмент, бизнес бошқаруви, ҳуқуқ ёки бошқа тегишли йўналишлар бўйича;

- камида 5 йиллик тажриба;

- Раҳбарлик лавозимида ишлаш, жамоани бошқариш ва ходимлар фаолиятини самарали ташкил этиш кўникмаси;

- Ҳудудлар билан ишлаш, давлат органлари, маҳаллий ҳокимликлар, тадбиркорлик субъектлари ва корпоратив мижозлар билан самарали ҳамкорлик ўрнатиш тажрибаси;

- Товар-хом ашё биржаси фаолияти, биржа савдолари ва давлат харидлари соҳасида билим ва амалий тажрибага эга бўлиш устунлик беради;

- Ҳудудий бозорларни ўрганиш, маълумотларни таҳлил қилиш, муаммоларни аниқлаш ва амалий ечимлар ишлаб чиқиш қобилияти;

- Стратегик ва тизимли фикрлаш, мустақил қарор қабул қилиш, музокара олиб бориш ва натижага йўналтирилган иш услуби;

- MS Office дастурларида, хусусан Excel дастурида ишлаш бўйича яхши кўникмалар;

- Юқори даражадаги масъулият, ташаббускорлик, ташкилотчилик ва лидерлик қобилиятлари;

- Ўзбек тилини мукаммал билиш, рус тилини яхши даражада билиш; инглиз тилини билиш қўшимча устунлик ҳисобланади.

Биз таклиф қиламиз:

- Меҳнат шартномаси асосида расмий ишга қабул қилиш;

- Барқарор ва рақобатбардош иш ҳақи;

- Товар-хом ашё биржаси ва давлат харидлари соҳасида профессионал билим ва амалий кўникмаларни ривожлантириш имконияти;

- Касбий ва лавозимий ўсиш имкониятлари;

- Замонавий иш муҳити ва профессионал жамоада ишлаш имконияти.