Lizing kompaniyasi bosh buxgalteri

Asosiy vazifalar:

• Buxgalteriya va soliq hisobini Buxgalteriya hisobining milliy standartlari (BHMS) hamda O‘zbekiston Respublikasi qonunchiligiga muvofiq yuritishni tashkil etish;

• Moliyaviy va operatsion lizing, lizing to‘lovlari hamda lizing obyektlari amortizatsiyasi hisobini yuritish;

• Moliyaviy va soliq hisobotlarini tayyorlash hamda belgilangan muddatlarda taqdim etish;

• Lizing oluvchilar, yetkazib beruvchilar, banklar va budjet bilan hisob-kitoblarni nazorat qilish;

• Kreditlar, jalb qilingan mablag‘lar hamda valyuta operatsiyalari hisobini yuritish;

• Buxgalteriya xizmati faoliyatiga rahbarlik qilish, birlamchi hujjatlarni nazorat qilish va inventarizatsiya o‘tkazishni tashkil etish;

• Auditorlar, soliq organlari va banklar bilan hamkorlik qilish.

Nomzodlarga qo‘yiladigan talablar:

• Iqtisodiyot yoki moliya yo‘nalishida oliy ma’lumot;

• Buxgalteriya hisobi sohasida kamida 5 yillik, shu jumladan rahbarlik lavozimida kamida 1–2 yillik ish tajribasi;

• Soliq kodeksi, “Buxgalteriya hisobi to‘g‘risida”gi Qonun, lizing va valyutani tartibga solishga oid qonunchilikni bilish;

• BHMS va Moliyaviy hisobotning xalqaro standartlarini (MHXS), xususan, MHXS 16 va MHXS 9 ni bilish;

• 1C yoki shu kabi buxgalteriya dasturlarida hamda elektron hujjat aylanishi tizimlarida ishlay olish;

• Har yili malaka oshirishga tayyorlik;

• O‘zbek va rus tillarini bilish.

Quyidagilar ustunlik beradi:

• Lizing kompaniyasi, bank yoki boshqa moliya tashkilotida ish tajribasi;

• ACCA, CIPA yoki DipIFR sertifikatlariga ega bo‘lish;

• Ingliz tilini bilish.

Biz taklif etamiz:

• O‘zbekiston Respublikasi Mehnat kodeksiga muvofiq rasmiy ishga joylashish;

• O‘qish va malaka oshirish xarajatlarini kompaniya tomonidan qoplash;

• Barqaror kompaniyada ishlash va kasbiy rivojlanish imkoniyati.