Business assistent / Direktor yordamchisi

Bussines assistent / Direktor yordamchisi

LEGO Express Logistic — logistika sohasida faoliyat yurituvchi rivojlanayotgan kompaniya. Jamoamizga direktorning kundalik faoliyatini samarali tashkil etadigan, yuqori mas’uliyatli va natijaga yo‘naltirilgan ayol, qiz Biznes-assistent / Direktor yordamchisini qidirmoqdamiz.

Biz uchun bu lavozim oddiy “kotibalik” emas. Biznes-assistent direktorning vaqtini, vazifalarini, uchrashuvlarini va muhim topshiriqlarini tizimli boshqarib, kompaniyaning asosiy ish jarayonlariga bevosita ko‘maklashadi.

Muhim:
- Online ishlash imkoniyati umuman yo`q
- yarim kun yoki masofadan ishlamoqchi bo`lgan nomzodlar umuman ko`rib chiqilmaydi
- E`lon bilan to`liq oxirigacha tanishib chiqing, oxirigacha!

Asosiy vazifalar:

• Direktorning kunlik va haftalik ish rejasini shakllantirish va nazorat qilish;
• Uchrashuvlar, muzokaralar, yig‘ilishlar va xizmat safarlarini tashkil etish;
• Direktor topshiriqlarini tegishli xodimlarga yetkazish va bajarilishini nazorat qilish;
• Topshiriqlar bo‘yicha deadline va natijalarni monitoring qilish;
• Ichki va tashqi ishchi kommunikatsiyalarni muvofiqlashtirish;
• Kerakli ma’lumotlarni yig‘ish, tizimlashtirish va direktor uchun tayyorlash;
• Hisobotlar, taqdimotlar, jadvallar va boshqa ish hujjatlarini tayyorlash;
• Shartnomalar, hujjatlar va muhim yozishmalar bilan ishlash;
• Direktorning ish uchrashuvlari uchun zarur ma’lumot va materiallarni oldindan tayyorlash;
• Kompaniyaning ichki loyihalari va strategik vazifalarida direktorni qo‘llab-quvvatlash;
• Zarur hollarda alohida topshiriqlarni mustaqil ravishda bajarish;
• Maxfiy ma’lumotlar bilan ehtiyotkorlik bilan ishlash.

Biz izlayotgan nomzod:

• Oliy ma’lumotga ega;
• Biznes-assistent, direktor yordamchisi, project coordinator, executive assistant yoki shu kabi lavozimlarda tajribaga ega;
• Kamida 6 oy - 1 yil ish tajribasi mavjud;
• Tashkilotchilik qobiliyati yuqori;
• Bir vaqtning o‘zida bir nechta vazifani boshqara oladigan;
• Mas’uliyatli, intizomli va tashabbuskor;
• Muammolarni kutib o‘tirmaydigan, yechim izlaydigan;
• Rahbar bilan professional va samarali muloqot qila oladigan;
• Yuqori darajadagi biznes etiketi va muomala madaniyatiga ega;
• Maxfiy ma’lumotlarni saqlash mas’uliyatini tushunadigan;
• MS Office / Google Workspace dasturlaridan yaxshi foydalana oladigan;
• Excel, Word va PowerPoint bilan ishonchli ishlay oladigan;
• O‘zbek va ingliz tillarini yaxshi biladigan;
• Xitoy tilini bilishi ustunlik beradi;
• Vaqtni samarali boshqarish va ustuvor vazifalarni ajrata olish ko‘nikmasiga ega.

Biz uchun ayniqsa muhim:

Biz tayyor topshiriq kutib o‘tiradigan emas, vazifani oldindan ko‘ra oladigan va tashabbus ko‘rsatadigan xodim izlayapmiz.

Nomzod:

• “Nima qilishim kerak?” deb kutishdan ko‘ra, “Nimani yaxshilashim mumkin?” deb fikrlashi;
• muammoni nafaqat ko‘rishi, balki yechim variantini ham taklif qilishi;
• berilgan topshiriqni oxirigacha nazorat qilishi;
• rahbarning vaqtini qadrlashi;
• tezkor va stressli vaziyatlarda o‘zini yo‘qotmasligi kerak.

Biz taklif qilamiz:

• Rivojlanayotgan logistika kompaniyasida professional muhit;
• Kompaniya rahbariyati bilan bevosita ishlash imkoniyati;
• Professional va boshqaruv ko‘nikmalarini rivojlantirish;
• Katta loyihalarda ishtirok etish;
• Karyera o‘sishi uchun real imkoniyat;
• Natijaga qarab bonus va rag‘batlantirish tizimi;
• Zamonaviy va professional jamoa;
• To‘liq ish kuni.

Ish sharoitlari:

Ish joyi: Toshkent shahri
Ish grafigi: 5/2 yoki 6/1 yoki kompaniya ichki tartibiga muvofiq
Bandlik turi: To‘liq ish kuni
Lavozim: Biznes-assistent / Direktor yordamchisi

Maosh: 400 sh/b

Suhbat natijasiga ko‘ra kelishiladi. Nomzodning tajribasi, kompetensiyasi va natija ko‘rsatkichlariga qarab individual taklif shakllantiriladi.

Bizning ideal nomzodimiz:

Agar siz tartibli, tez fikrlaydigan, mas’uliyatli, biznes jarayonlariga qiziqadigan va kelajakda yuqori darajadagi boshqaruv professionaliga aylanishni istaydigan mutaxassis bo‘lsangiz, biz sizni jamoamizda ko‘rishdan mamnun bo‘lamiz.

Rezyumeni yuboring va suhbatga taklif qilinish imkoniyatini qo‘lga kiriting.

Kompaniya: LEGO Express Logistic
Lavozim: Biznes-assistent / Direktor yordamchisi

Muqova xati yuborganda aynan nega bu lavozimga qiziqish bildirganingiz va ushbu lavozimdagi Siz uchun muhim bo`lgan 3 ta jihatni sanab o`ting.

Muqova xatida salom berib kutmang, nuqta raqam yozib yuborgan nozmodlar ko`rib chiqilmaydi.

Telefon va telegram orqali birlamchi murojaatlar qabul qilinmaydi!