O‘rta va korporativ biznes bo‘yicha muammoli qarzdorliklarni undirirish boshqarmasi yetakchi menejer

Vazifalar:

• O‘rta va korporativ biznes bo‘yicha mijozlarning muddati o‘tgan kredit qarzdorliklari bilan ishlash jarayonini tashkil etish;
• Hududiy bo‘linmalar tomonidan o‘rta va korporativ biznes bo‘yicha mijozlarning kredit qarzdorliklarini “Hard collection” bosqichlarida undirilishini nazorat qilish;
• Hududiy bo‘linmalar tomonidan muddati o’tgan kreditlar bo‘yicha mijoz (kafil va garov egalari)larga ogohlantirish xatlari (talabnoma) yuborilishi hamda dasturga biriktirilishini nazorat qilish;
• Zarur hollarda (korporativ biznes departamenti bilan birgalikda) hududiy bo‘linmalarga muddati o’tgan qarzdorligi bo‘lgan mijozlar bilan uchrashuvlar (muzokaralar) o‘tkazishda amaliy yordam ko‘rsatish hamda mazkur uchrashuvlarda bevosita ishtirok etish;
• Bosh bank Kredit qo‘mitasi yig‘ilishlarida Departamentga yuklatilgan topshiriqlar ijrosini ta’minlash;
• Qarz oluvchi va kafillarning hisobvaraqlariga muddati o‘tgan kredit qarzdorliklarini undirish maqsadida to‘lov talabnomalari qo‘yilishini nazorat qilish va muvofiqlashtirish;
• Muddati o‘tgan qarzdorliklar bo‘yicha qarzdor va kafillarning hisobvarag‘i aylanmasini o‘rganish;
• Yuridik shaxslarning kredit to‘lovi uchun qabul qilingan pul mablag‘lari bo‘yicha tegishli buxgalteriya o‘tkazmasini o‘z vaqtida amalga oshirilishini nazorat qilish;
• Kredit shartnoma shartlarini o‘zgartirish bo‘yicha takliflar berish;
• Quyi tarkibiy bo'lim tomonidan bankning kreditor sifatidagi huquqlari sug‘urta tashkilotiga o‘tganda (subrogatsiya), o‘tkazilgan sanadan boshlab uch ish kunidan kechiktirmagan holda bank qarzdorga (birgalikda qarz oluvchi) va kafillarga bankning kredit bo‘yicha talab qilish huquqi sug‘urta tashkilotiga o‘tkazilganligi to‘g‘risida aloqa kanallari orqali yozma xabarnoma (ma’lumotnoma) yuborilishini nazorat qilish;
• Qarzdorlik “Hard collection” bosqichida undirilmagan taqdirda “Legal collection” blogiga oid hujjatlarni (ogohlantish xati va talabnoma) taqdim etish;
• Kredit qarzdorligi bilan ishlash tizimiga hujjatlar yuklanishini ta’minlash;
• Boshqarma faoliyatiga tegishli xatlar va murojaatlarni ko‘rib chiqish;
• Lavozim yo‘riqnomasida ko‘rsatilgan boshqa vazifalar.

  Talablar:

• Oliy iqtisodiy yo‘nalishi bo‘yicha ma'lumot;
• Bank sohasida 10 yildan ko‘p ish tajribasiga ega bo‘lish;
• Bank sohasida kamida 3 yil rahbarlik lavozimida ishlagan bo‘lish;
• MS Office (Word, Excel, Internet Explorer, Power Point) va boshqa elektron dasturlarida mukammal darajada ishlay olishi;
• bank tizimi qonunchiligini yaxshi bilishi;
• O’zbek va rus tillarini mukammal bilishi, Ingliz tilini bilishi ustunlikka ega;
• Yozma va og’zaki aloqa qobiliyatlari, psixologik yondashuv, stressga chidamlilik, xushmuomalalik;
• Fuqarolar va bank xodimlari bilan muloqot qila bilishi;
• Bank faoliyati sohasidagi bilimlarga ega bo’lishi:
• Ishga aloqador xat uslubidan to`liq foydalana bilish ko`nikmasiga ega bo`lishi;
• Chiroyli nutq va to’gri talaffuz;
• Kutilmagan vaziyatlarda muammoli va qiyin murojaatlarga ijobiy yechim topish qobiliyati;
• Liderlik qobiliyati va operatorlarni o’qitish qobiliyati.

Ish sharoiti:

• To‘liq 5 ish kuni (9.00–18.00);
• Ish joyi bankning markaziy idorasida;
• Ish haqi + ish hajmi va erishilgan yutuqlardan kelib chiqqan holda oylik mukofot.