Chakana bank mahsulotlari va xizmatlari bo'yicha metodolog

Majburiyatlar:

• Ichki meʼyoriy hujjatlarni ishlab chiqish (Nizom va reglamentlar)
  • Mahsulot nizomlarini yaratish: Har bir yangi chakana mahsulot (masalan, yangi mikroqarz, avtokredit, onlayn omonat yoki keshbek tizimi) uchun uning shartlari, ajratish tartiblarini yozish.
  • Texnologik sxemalar va reglamentlar tuzish: Bank operatori, kassiri yoki kredit mutaxassisi mahsulotni mijozga sotishda yoki rasmiylashtirishda qanday "qadamma-qadam" harakat qilishi kerakligini belgilovchi yoʻriqnomalarni ishlab chiqish.
  • Shartnomalar andozalarini tayyorlash: Yuristlar bilan birgalikda mijozlar bilan tuziladigan ommaviy ofertalar, kredit, garov va omonat shartnomalari matnlarini bank manfaatlarini himoya qilgan va huquqiy xavflarni kamaytirgan holda shakllantirish.
• Markaziy bank va Qonunchilik talablariga muvofiqlashtirish (Compliance)
  • Regulyator talablari nazorati: Markaziy bankning chakana mahsulotlar, foiz stavkalari, personal moliyaviy reyting va isteʼmolchilar huquqlarini himoya qilish boʻyicha chiqargan yangi qarorlarini doimiy oʻrganish va bank mahsulotlarini ushbu qonunlarga moslashtirish;
  • Tavakkalchiliklarni kamaytirish: Risk-menejment va Komplayens boʻlimlari bilan birgalikda mahsulotlar bo'yicha xavflarini baholash va ularni metodologik tarzda cheklash;
• Xodimlarni oʻqitish va bilimlar bazasini yangilash:
  • Oʻquv materiallarini tayyorlash: yangi chakana mahsulotlar boʻyicha qisqa qoʻllanmalar, mikrotaʼlim kontentlari va test savollarini ishlab chiqish.
  • Ichki ekspert sifatida qatnashish: Murakkab chakana mahsulotlar joriy etilganda, filiallardagi boshqaruvchilar va bosh mutaxassislar uchun vebinarlar va tushuntirish ishlarini tashkil etish.
  Talablar:
• Bank tizimida (metodologiya, biznes-tahlil yoki chakana biznes yo'nalishida) kamida 5 yillik muvaffaqiyatli mehnat faoliyati;
• Markaziy Bankning chakana bank faoliyatiga oid me'yoriy-huquqiy hujjatlarini yaxshi tushunish;
• Biznes-jarayonlarni sxemaga tushirish instrumentlari (masalan, BPMN, Visio) bilan ishlay olish;
• Analitik fikrlash, detallarga e'tiborlilik va murakkab muammolarga sodda yechim topa olish;
• O'zbek va rus tillarida iqtisodiy terminologiyadan foydalangan holda xatosiz va tushunarli hujjat yoza olish.

• O'zbekistonning eng zamonaviy banklaridan birida yirik loyihalarni boshqarish imkoniyati;
• Raqobatbardosh oylik maosh (suhbat asosida, nomzodning malakasiga qarab);
• Zamonaviy ofis (Toshkent markazida).