Risk menejment departamenti direktori o’rinbosari

Vazifalar:

• Bankda yuzaga kelishi mumkin bo‘lgan kredit, likvidlilik, bozor, operatsion, model, mamlakat, ekologik, ijtimoiy va iqlim risklari bo‘yicha metodologiyalar hamda vositalarni ishlab chiqish va ularning doimiy ravishda takomillashtirilishini ta’minlash;
• bankda ikkinchi himoya chizig‘i tamoyili asosida mustaqil risk nazoratini amalga oshirish hamda biznes bo‘linmalari tomonidan qabul qilinayotgan risklar yuzasidan asoslantirilgan xulosalar berish;
• risk-appetit bayonotini ishlab chiqish, kamida yiliga bir marotaba qayta ko‘rib chiqish hamda bank strategiyasi bilan uyg‘unligini ta’minlash;
• risklarning oʻz vaqtida aniqlanishi, baholanishi, monitoring qilinishi va ular boʻyicha hisobot tayyorlanishi hamda mazkur tavakkalchiliklarning kamaytirilishini taʼminlash;
• Erta ogohlantirish (EWS) tizimini ishlab chiqish, indikatorlar monitoringini tashkil etish hamda signal holatlari yuzasidan tezkor eskalatsiyani amalga oshirish;
• aktivlar sifatini tasniflash hamda ular boʻyicha ehtimoliy yoʻqotishlarni qoplash uchun zaxiralar shakllantirish amaliyotining maqbulligini baholab borish;
• yangi mahsulot va xizmatlar hamda joriy qilinishi rejalashtirilayotgan loyihalar bilan bogʻliq risklar yuzasidan xulosalar tayyorlash;
• bankda yuzaga keluvchi risklar bo’yicha har chorakda stress-testlar oʻtkazish, hamda natijalar asosida limitlar, risk-appetit va kapitalga ta’sirini baholash;
• yilda kamida bir marotaba bankning risk-profilini va uni bankning risk-appetiti hamda tavakkalchilik chegaralariga muvofiqligini baholash;
• bankda mavjud yoki yuzaga kelishi kutilayotgan risklar hamda ularni kamaytirish yuzasidan hisobotlarni Kuzatuv kengashi va Risklarni boshqarish qoʻmitasiga har chorakda, Bank boshqaruviga har oyda kamida bir marotaba kiritish;
• bank xodimlari risk madaniyatini oshirish maqsadida har chorakda kamida bir marotaba trening yoki oʻquv seminarlarini tashkil etish;
• prudensial normativlarni va XMI tomonidan belgilangan kovenantlarni tahlil qilib borish va taqdim etiladigan hisobotlarda ular bilan bogʻliq risklar hamda ularni bartaraf etishga doir takliflarni kiritib borish;
• risklarni aniqlash, oʻlchash, monitoring va nazorat qilish, shuningdek stress-testlarni oʻtkazishga moʻljallangan bank ichki modellarining ishonchliligi va samaradorligini muntazam ravishda baholash;
• risklarni boshqarish jarayonini avtomatlashtirish, ma’lumotlar sifati, to‘liqligi va hisobotlar ishonchliligini nazorat qilish. Avtomatlashtirish darajasi har chorakda oshirib borilishini ta’minlash;
• risk-appetit ko‘rsatkichlari va limitlar buzilganda yoki buzilish ehtimoli aniqlanganda tegishli rahbariyat va kollegial organlarga zudlik bilan eskalatsiya qilish hamda tuzatuvchi tavsiyalarni ishlab chiqish;
• kredit risklarini oldini olish maqsadida tashqi konyukturani doimiy tahlil qiladi, iqtisodiyot tarmoqlaridagi yoki tashqi bozorlardagi nobarqaror vaziyatlar aniqlanganda mazkur sohalarga kredit ajratishni cheklash bo‘yicha taklif hamda skoring/reyting modeliga tegishli o’zgartirish kiritish chorasini ko’radi;
• risk darajasi oshayotgan kreditlarning iqtisodiyotning qaysi sohasiga tegishliligini, muammoga aylanganlik sababini o‘rganish natijasida tegishli xulosalar qiladi va takliflar kiritadi;
• Bosh bank kollegial organlari ko‘rib chiqishi uchun kredit (kafolat, faktoring, lizing) ajratish bilan bog’liq amaliyotlar bo’yicha loyiha risklari to‘g‘risida hulosa taqdim etadi;
• mijozlarning kreditga layoqatliligini baholashning skoring/reyting modelini ishlab chiqadi va modelning samaradorligini doimiy tahlil qilish orqali takomillashtirib boradi;
• kredit portfelining tarmoqlar, hududlar, mahsulotlar hamda yirik qarzdorlar kesimidagi konsentratsiya risklarini monitoring qilish va limitlar bo‘yicha takliflar ishlab chiqadi;
• ESG hamda iqlim risklarini bankning umumiy risk boshqaruv tizimiga integratsiya qilish va monitoringini tashkil etadi;
• ICAAP (Kapitalning yetarliligini ichki baholash jarayoni)ni ishlab chiqish va takomillashtirishda ishtirok etadi.

Talablar:

• Risk menejment, matematika, statistika, bank ishi, moliya yoki iqtisodiyot bo‘yicha bakalavr/magistr darajasi;
• Kredit riski bo'yicha risk menejer, anderrayter yoki kredit tahlilchisi lavozimlarida kamida 7 yillik tajriba, rahbarlik lavozimida 3 yillik tajriba;
• Stop faktorlar, skoring, moliyaviy risklar va ularni boshqarish, kredit portfeli tahlilini mukammal tushunish;
• Risklarni boshqarish bo’yicha Markaziy bank talablarini bilish;
• Xodimlarni rivojlantirish, o’qitish va mentorlik qilish bo‘yicha tajribaga ega bo‘lish;
• Markaziy bank inspeksiyalari, tashqi auditorlar va xalqaro moliya institutlari bilan o‘z yo‘nalishi bo‘yicha ishlash tajribasi;
• FRM/PRM sertifikati egalariga ustunlik beriladi;
• Ma'lumotlarni tahlil qilish vositalari (Excel, Power BI, SQL, Python yoki shunga o‘xshash platformalar) bo‘yicha amaliy ko‘nikmalar;
• Til bilish: o‘zbek tili – mukammal, ingliz va rus tillari – yaxshi.
• Kommunikatsion, tahliliy, tanqidiy fikrlash va stressga chidamlilik ko‘nikmalari.