Инвестициялар ва қимматли қоғозлар билан операциялар бўйича мутахассис (Брокер)

"Омонатларни кафолатлаш агентлиги" давлат муассасаси мамлакат банк тизими барқарорлигини таъминлашда муҳим аҳамият касб этади. Агентлик жамғарма маблағларини самарали бошқариш ва уларнинг барқарор ўсишини таъминлаш орқали молия тизимига бўлган ишончни мустаҳкамлашда фаол иштирок этади.

Шу муносабат билан, Агентлик мавжуд жамғарма маблағларини молия бозорларида самарали жойлаштириш, инвестицион стратегияларни амалга ошириш ва капитал ўсишини таъминлаш учун тажрибали ва натижага йўналтирилган Брокер изламоқда.

🎯 Асосий вазифалар:

Жамғарма маблағларини инвестиция қилиш жараёнида иштирок этиш;

• Давлат қимматли қоғозлари (облигациялар) ва банк инструментлари билан операцияларни амалга ошириш;
• Портфельни шакллантириш ва бошқариш (диверсификация: банклар / давлат қимматли қоғозлари);
• Биржа орқали савдо операцияларини амалга ошириш;
• Қимматли қоғозлар бозори бўйича таҳлил (даромадлилик, риск, ликвидлик);
• Инвестицион қарорлар учун аналитик ҳисоботлар тайёрлаш

• Олий таълим (молия, иқтисод, банк иши, инвестициялар);
• Камида 2–5 йил иш тажрибаси (банк тизимида ёки инвестиция / брокерлик компаниясида);
• Қимматли қоғозлар билан операцияларни амалга ошириш ҳуқуқини берувчи малака сертификати (1 ва 2-тоифа) — Ўзбекистон Республикаси Истиқболли лойиҳалар миллий агентлиги томонидан бериладиган;
• Биржа савдоларида иштирок этиш ҳуқуқини берувчи курс сертификатининг мавжудлиги;
• Қимматли қоғозлар бозори ва биржа операциялари бўйича амалий билим;
• Молиявий таҳлил кўникмалари (облигациялар, риск, даромадлилик);
• Excel ва аналитик инструментлар билан ишлаш қобилияти.

Биз нима таклиф қиламиз:

• Ўзбекистон молия тизимида стратегик аҳамиятга эга агентликда иш

• Қизиқарли ва интеллектуал вазифалар

• Кучли профессионал жамоа

• Мехнат конунчилигига мувофик расмийлаштириш

• Халкаро курсларда бепул укиш имкони

Агар сиз молия бозорларини чуқур тушунадиган, капитални кўпайтириш бўйича тажрибага эга ва ўз билимларингизни давлат миқёсидаги муҳим вазифаларга йўналтиришни истасангиз сизни жамоамизга таклиф этамиз.