Marketing, sotish va servis xizmat ko‘rsatish bo‘yicha Bosh direktor o‘rinbosari

“Toshkent traktor zavodi” MChJ Bosh direktorning marketing, sotish va servis xizmat ko‘rsatish bo‘yicha o‘rinbosari lavozimiga nomzod tanlash bo‘yicha e’lon

Jamiyat Bosh direktorning marketing, sotish va servis xizmat ko‘rsatish bo‘yicha o‘rinbosari lavozimiga nomzod tanloviga malakaviy talablar

Nomzodlarga quyiladigan umumiy talablar:

• Bosh direktorning marketing, sotish va servis xizmat ko‘rsatish bo‘yicha o‘rinbosari lavozimiga nomzod iqtisod, muhandislik, moliya yoxud menejment yo‘nalishlarida oliy ma’lumotga ega bo‘lishi, kamida 3 yil rahbarlik lavozimlarda ish stajiga ega bo‘lishi kerak.

• Yirik qishloq xo‘jaligi korxonalarni boshqarish (rahbar, rahbar oʻrinbosari, boʻlinma boshligʻi sifatida) boʻyicha muvaffaqiyatli tajribasi mavjudligi;

• Oʻzi faoliyat yuritgan yoki boshqargan korxonalarda marketing, sotish va servis xizmat ko‘rsatish strategiyasi barqaror rivojlantirishi va korxonaning biznes loyihalar siyosatini ishlab chiqish va targʻib qilish tajribaga ega bo‘lishi kerak;

• Xorijiy hamkorlar ishtirokidagi yirik loyihalarni amalga oshirishda xalqaro normativ-huquqiy talablar nuqtayi nazaridan vaziyatni bilishi;

• Qishloq xo’jaligi texnikasi bozorini tubdan bilishi va qishloq xo’jaligi texnikalariga bozorda bo‘lgan talabni tahlil qilish qobiliyati ega bo‘lishi kerak;

• Nomzod kamida 3 yil qishloq xo‘jaligi texnikalarini ishlab chiqarish korxonalarida yoki tizim korxonalarida mehnat faoliyatiga ega bo‘lishi kerak;

• Davlat kompaniyalarida ish tajribasi qoʻshimcha afzallik boʻladi.

II. Shaxsiy sifatlari:

• Menejmentning barcha jabhalarida yetakchilikni oʻzlashtirish qobiliyati;

• Yuqori darajadagi strategik fikrlash;

• Yetakchilik fazilatlari va tajribasining mavjudligi;

• Ijobiy motivatsiya va ishontirish orqali oʻzgarishlarni amalga oshirish tajribasi;

III. Nomzodning qoʻshimcha bilim va koʻnikmalarini baholash

• Til bilishi darajasi: ingliz, rus va o‘zbek tillari

• Kompyuter, internet va IT sohasidagi koʻnikmalari

• Nomzodning muqaddima qilish qobiliyati va harakatchanligi

• Nomzodning chet davlatda malaka oshirganligi

• Nomzodning boshqa koʻnikmalari

IV. Xizmat majburiyatlari:

-Jamiyatning marketing, sotish va servis xizmat ko’rsatish sohasida strategiyasini va rivojlantirishning uzoq va qisqa muddatlik rejalarini ishlab chiqish;

- Marketing tadqiqotlarining maqsadlari, ustuvorliklari va usullarini aniqlash;

- Maqsadlik auditoriya va brend joylashuvini aniqlash;

- Reklama, PR va raqamlik strategiyalarni o‘z ichiga olgan marketingni ishlab chiqish;

- Marketing tadqiqotlari va samaradorligini baholash;

- Sotishni ko’paytirish strategiyalari, maqsadlari va rejalarini ishlab chiqish;

- Mahsulot portfelini boshqarish va narx siyosatini ishlab chiqish;

- Bozor tendentsiyalarini va raqobat monitoringi;

- Savdo guruhini rag’batlantirish, o’qitish va boshqarish;

- Savdo natijalarini tahlil qilish va takomillashtirish bo’yicha chora-tadbirlarni ishlab chiqish;

- Servis xizmatini boshqarish va servis siyosatini ishlab chiqish;

- Xizmat sifatining yuqori standartlarini aniqlash va ta’minlash;

- Strategik qarorlarni qabul qilish va biznes-rejalarni ishlab chiqish;

- Hamkorlikni va sheriklikni rivojlantirish bo’yicha chora tadbirlarni ishlab chiqish;

-Banklar bilan ishlash va pul resurslari oqimlarini bashorat qilish;

-Qishloq xo‘jaligi texnikalarini doimiy tahlil qilish;

-Jamiyatning kontragentlar va sheriklar bilan moliyaviy majburiyatlarining bajarilishini nazorat qilish;

- Moliyaviy masalalar bo‘yicha banklar, moliya tashkilotlari va boshqa tashqi tuzilmalar bilan o‘zaro hamkorlik qilish;

- Amaldagi qonunchilik hamda jamiyatning ichki me’yoriy hujjatlari talablariga qat’iy rioya qilish.

V. Ishning asosiy shartlari:

Ish tartibi: 5/2, soat 9:00 dan 18:00 gacha. Doimiy.

O‘zbekiston Respublikasining Mehnat Kodeksi bo‘yicha rasmiylashtiriladi.

Ish haqi: Shtatlar jadvaliga muvofiq, jamiyat Nizomi va bozor mexanizmlari (shu jumladan KPI natijalari) asosida to‘lanadigan mukofot pullari hisobga olingan holda.

Tanlovning asosiy sharti:

Nomzodlar tomonidan bir xil miqdordagi ball olinganda – ustunlik xorijiy menejerga beriladi.

Tanlovga hujjat topshirish tartibida:

Talabgorlar tanlovda qatnashish uchun quyidagi hujjatlarni taqdim qilish zarur:

O‘z qo‘li bilan yozilgan ariza;

Avtobiografiya (batafsil ko‘rsatilsin)

Tavsifnoma (viloyat yoki tuman (shahar) hokimligi)

Kasbiy ma’lumotni, ish staji va malakasini tasdiqlovchi hujjatlar, sertifikatlar;

Mehnat daftarchasi nusxasi;

Aloqa uchun ma’lumotlar;

Fotosurat 3x4 – 4 dona.

Tanlov o‘tkazish muddati — tanlovga hujjatlarini qabul qilish muddati tugagandan so‘ng 5 ish kuni davomida o‘tkaziladi.

Tanlov takliflari va hujjatlar yopiq konvertlarda va konvertning ustki qismida tanlovda ishtirok etuvchi nomzodning tanlovda ishtirok etish uchun arizasi ilova qilingan holda taqdim qilinadi.

Hujjatlarni qabul qilish manzili: O‘zbekiston Respublikasi, Toshkent viloyati, Chirchiq shahri, A.Navoiy shoh ko‘chasi 92-uy, “Toshkent traktor zavodi” MChJ binosi.

Hujjatlarni qabul qilish muddatining tugashi: 2025 yil 1-avgustga, soat 18-00 qadar.

Belgilangan muddatlardan keyin yuborilgan takliflar tanlovda ishtirok etmaydi.