Qimmatli qog‘ozlar operatsiyalari va ichki hisob bo‘yicha yetakchi mutaxassis

EXORDIUM FINANCE (Exordium Financial Gate MChJ) investitsiya vositachiligi faoliyatini yo‘lga qo‘yish va zamonaviy brokerlik infratuzilmasini shakllantirish uchun tajribali mutaxassisni ishga taklif etadi.

Asosiy vazifalar:

Investitsiya vositachisi vakolatlari doirasidagi qimmatli qog‘ozlar operatsiyalari bo‘yicha ichki hisobni tashkil etish va yuritish.

Mijozlarning brokerlik va depo-hisobvaraqlarini ochish hamda ularga xizmat ko‘rsatish jarayonlarini muvofiqlashtirish.

Mijozlar va kompaniyaning pul mablag‘lari hamda qimmatli qog‘ozlarini alohida hisobga olish, operatsiyalar va qoldiqlarni o‘zaro solishtirish.

Birja bitimlari, hisob-kitoblar, komissiyalar va depozitar operatsiyalarning ichki registrlarda to‘g‘ri aks ettirilishini ta’minlash.

Toshkent Respublika fond birjasi, Markaziy depozitariy va boshqa bozor infratuzilmasi tashkilotlari bilan operatsion hamkorlik qilish.

Operatsion hisobotlarni tayyorlash, hisob registrlari va hujjatlarini belgilangan tartibda yuritish.

Brokerlik faoliyatini ishga tushirish, elektron savdo va hisob tizimlarini joriy etishda ishtirok etish.

Ichki hisob, savdo operatsiyalarini bajarish va mustaqil ichki nazorat funksiyalarining ajratilishiga rioya qilish.

Nomzodga qo‘yiladigan talablar:

Moliya, iqtisodiyot, buxgalteriya hisobi yoki tegishli yo‘nalishda oliy ma’lumot.

Qimmatli qog‘ozlar operatsiyalari va ichki hisob bo‘yicha kamida 2 yil bevosita amaliy tajriba.

Qimmatli qog‘ozlar bozori mutaxassisining amaldagi I yoki II toifali malaka sertifikati.

Brokerlik va depo-hisobvaraqlari, birja bitimlari, hisob-kitoblar hamda depozitar operatsiyalarni yuritish tartibini puxta bilish.

O‘zbekiston Respublikasining qimmatli qog‘ozlar bozorini tartibga soluvchi amaldagi normativ-huquqiy hujjatlarini bilish.

Hisob registrlarini mustaqil yuritish, qoldiqlarni solishtirish, tafovutlarni aniqlash va operatsion hisobotlarni tayyorlash ko‘nikmasi.

Qo‘shimcha ustunliklar:

YDTK, HTS/MTS va boshqa brokerlik-depozitar axborot tizimlarida amaliy ishlash tajribasi.

Investitsiya vositachisining operatsion faoliyatini boshlang‘ich bosqichdan tashkil etishda ishtirok etganlik.

Brokerlik operatsiyalarini avtomatlashtirish va axborot tizimlarini integratsiya qilish tajribasi.

Xalqaro kapital bozorlari, CSD, settlement va MiFID standartlari bo‘yicha bilim.

Ish sharoitlari:

Ish haqi: oyiga 12 000 000–16 000 000 so‘m (soliqlardan keyin).

Ish joyi: Toshkent shahri.

Bandlik: to‘liq ish kuni, ofisda ishlash.

Ish tartibi: 5/2.

Rasmiy mehnat shartnomasi va qonunchilikda belgilangan mehnat kafolatlari.

Kasbiy rivojlanish va professional o‘sish imkoniyatlari.

Zamonaviy brokerlik infratuzilmasini shakllantirishda bevosita ishtirok etish.

Professional jamoada ishlash.

Biz uchun asosiy mezon — qimmatli qog‘ozlar operatsiyalari va ichki hisobni mustaqil, aniq va amaldagi normativ talablarga muvofiq yurita oladigan tajribali mutaxassisdir.

Talablarga mos nomzodlarni HeadHunter orqali rezyume yuborishga taklif qilamiz.