Risk-menejment departamenti direktori

«Agrobank» – O‘zbekistonning yetakchi davlat banklaridan biri bo‘lib, respublikaning barcha hududlarida keng filiallar tarmog‘iga ega. Biz agrar sohani va iqtisodiyotning real sektorini moliyalashtirishda ishonchli sherikmiz. Bugun jamoamizga bankning tavakkalchiliklarni boshqarish tizimini yangi bosqichga olib chiqadigan strategik fikrlovchi professional rahbarni izlayapmiz.

Vazifalari:

• Bankning risk menejmenti tizimini (framework) strategik boshqarish, joriy etish va takomillashtirish;
• Risk ishtahasi (risk appetite) bayonoti hamda risk limitlarini belgilash va doimiy monitoring qilish;
• Kredit, bozor, likvidlik, operatsion va komplayens risklarini aniqlash, tahlil qilish va baholash;
• Risklarni miqdoriy baholash modellari va stress-testlarni ishlab chiqish hamda qo‘llash;
• Kuzatuv kengashi va Tavakkalchiliklarni boshqarish qo‘mitasiga mustaqil risk hisobotlarini taqdim etish;
• Audit va nazorat madaniyatini mustahkamlash hamda risk jamoasini rivojlantirish va mentorlik qilish;
• Risk ishtahasi yoki tavakkalchilik chegaralarini buzishga olib keladigan qarorlarga nisbatan veto huquqini qo‘llash va Kuzatuv kengashini zudlik bilan xabardor qilish;
• Kuzatuv kengashi va Tavakkalchiliklarni boshqarish qo‘mitasiga har chorakda, Bank boshqaruviga har oyda risk hisobotlarini tayyorlash hamda tavsiyalar ijrosini monitoring qilish.

• Malaka talablari:

• Oliy ma’lumot (moliya, bank ishi, iqtisodiyot yoki risk menejmenti yo‘nalishlari);
• Bank yoki moliya tizimida kamida 5 yil ish tajribasi, shu jumladan risk menejmenti, kredit tahlili yoki moliyaviy nazorat sohasida kamida 3 yil ish tajribasi;
• Risk menejmenti, moliya yoki ichki nazorat yo‘nalishida kamida 3 yil rahbarlik lavozimida ish tajribasi;
• FRM, PRM, CFA, CRM, ACCA, DipIFR yoki CIPA sertifikatlaridan biriga ega bo‘lish afzallik beradi;
• O‘zbek va rus tillarini erkin bilish;
• Ingliz tilini bilish — afzallik (xalqaro standartlar va metodologiyalar bilan ishlash uchun);
• O‘zbekiston Respublikasi Markaziy bankining bank rahbar xodimlariga qo‘yadigan malaka talablariga muvofiqlik.

• Bilishi lozim bo‘lgan sohalar:

• Bank sohasiga oid qonunchilik hujjatlari va Markaziy bank tomonidan qabul qilingan normativ-huquqiy hujjatlar, jumladan «Banklar va banklar guruhlarining tavakkalchiliklarni boshqarish tizimiga doir talablar to‘g‘risida»gi nizom (ro‘yxat raqami 3427);
• Risk menejmentining xalqaro standartlari va tamoyillari — Bazel qo‘mitasi (Basel II/III) tavsiyalari, COSO ERM (Enterprise Risk Management) modeli hamda ISO 31000;
• Kredit, bozor, likvidlik, operatsion, mamlakat va bank portfelidagi foiz stavkasi tavakkalchiliklarini boshqarish usullari va modellari;
• Pul yuvishga qarshi kurashish (AML/CFT) sohasidagi talablar va komplayens-nazorat asoslari;
• Stress-testlash, risk-metrikalar (VaR va boshqalar) hamda riskni miqdoriy baholash usullari;
• Risk-appetit bayonoti, tavakkalchilik chegaralari va kapital monandligini baholash bo‘yicha ichki jarayonlar (ICAAP) asoslari;
• Axborot tizimlari va risklarni boshqarish bo‘yicha IT-yechimlar asoslari;
• Bank tizimi taraqqiyoti istiqbollari va faoliyatining strategik yo‘nalishlari;
• Ish yuritish tizimining asosiy qoidalari va ichki mehnat tartibi qoidalari;
• Mehnat va texnika xavfsizligi, yong‘inga qarshi himoya hamda mehnatni muhofaza qilish qoidalari.

• Kasbiy ko‘nikma va kompetensiyalar:

• Bankning risk menejmenti tizimini (framework) shakllantirish, joriy etish va takomillashtirish;
• Risk ishtahasi (risk appetite) va risk limitlarini belgilash hamda monitoring qilish;
• Risk ishtahasi yoki tavakkalchilik chegaralarini buzishga olib keladigan qarorlarga nisbatan veto huquqini qo‘llash va Kuzatuv kengashini zudlik bilan xabardor qilish;
• Kredit, bozor, likvidlik, operatsion va komplayens risklarini aniqlash, tahlil qilish va baholash;
• Risklarni miqdoriy baholash modellari va stress-testlarni ishlab chiqish hamda qo‘llash;
• Ma’lumotlar tahlili vositalaridan foydalanish va risk jarayonlarini raqamlashtirish ko‘nikmasi;
• Kuzatuv kengashi va Tavakkalchiliklarni boshqarish qo‘mitasiga har chorakda, Bank boshqaruviga har oyda risk hisobotlarini tayyorlash hamda tavsiyalar ijrosini monitoring qilish;
• Mustaqillik, xolislik va kasbiy etika tamoyillariga qat’iy rioya qilish;
• Analitik fikrlash, jamoani boshqarish, mentorlik va samarali kommunikatsiya ko‘nikmasi.

• Raqobatbardosh ish haqi va natijaga asoslangan mukofot tizimi;
• Kasbiy rivojlanish hamda xorijda malaka oshirish imkoniyati;
• Ijtimoiy kafolatlar;
• Barqaror davlat bankida karyeraviy o‘sish.