Внутренний аудитор (Ички аудит хизмати)

Лавозим вазифалари:

• Жамият Кузатув кенгашини ишончли ахборот билан таъминлаш ҳамда ички аудит натижалари асосида Жамият фаолиятини такомиллаштириш бўйича таклифлар тайёрлаш;
• Микромолия ташкилотлари фаолиятига оид қонун ва қонун ости хужжатларини билиши;
• Микромолия ташкилотлари амал қилиши лозим бўлган пруденциал талабларни мукаммал билиши;
• Ички аудит жараёнида аниқланган камчиликларни бартараф этиш бўйича Жамият Бош директорига тавсиялар киритиш ва уларнинг бажарилишини назорат қилиш;
• Қонунчилик ҳужжатларига мувофиқ ўз ваколатлари доирасида бошқа вазифаларни амалга ошириш;
• Кузатув кенгаши томонидан тасдиқланган йиллик иш режасига мувофиқ ҳамда Ўзбекистон Республикаси Вазирлар Маҳкамасининг 2006 йил 16 октябрдаги «Устав фондида давлат улуши бўлган корхоналарни самарали бошқаришни таъминлаш ва давлат мулкини тегишли ҳисобга олиш чора-тадбирлари тўғрисида»ги қарорига 2-илованинг 12-бандида назарда тутилган йўналишлар бўйича ички аудит текширувларини ўтказиш;
• Тузилаётган хўжалик шартномаларини қонунчилик талабларига мувофиқлиги юзасидан экспертизадан ўтказиш;
• Жамиятнинг таркибий бўлинмаларига бухгалтерия ҳисоби ва молиявий ҳисоботларни юритишда услубий ёрдам кўрсатиш, шунингдек молиявий, солиқ, банк ва бошқа қонунчилик масалалари бўйича маслаҳатлар бериш;
• Кузатув кенгашига ташқи аудиторлик ташкилотини танлаш учун техник топшириқларни ишлаб чиқиш, аудиторлик ташкилотлари таклифларини баҳолаш ва тегишли тавсиялар тайёрлашда кўмаклашиш;
• Жамият бўлинмаларининг ички аудит соҳасидаги фаолиятини мувофиқлаштириш ва зарурат бўлганда уларнинг молиявий-хўжалик фаолияти устидан назоратни амалга ошириш.

Талаблар:

• Ўзбекистон Республикаси Адлия вазирлигида 2023 йил 11 январда 3412-сон билан рўйхатдан ўтказилган «Микромолия ташкилотлари, факторинг ташкилотлари ва ломбардлар фаолиятини мувофиқлаштириш ва тартибга солиш тўғрисида»ги Низом талабларини билиши ва уларга риоя этган ҳолда фаолият юритиши;
• Ўзбекистон Республикаси олий таълим ташкилотларида олинган олий маълумотга ёки аудиторларнинг республика жамоат бирлашмалари томонидан берилган ички аудитор малака сертификатига эга бўлиши;
• Банк иши, микромолиялаштириш, бухгалтерия ҳисоби, аудит, молия ёки солиқ назорати соҳасида (шу жумладан ўриндошлик асосида) камида икки йиллик амалий иш тажрибасига эга бўлиши;
• Ташкилотлар фаолиятига оид қонунчилик ҳужжатлари бўйича етарли билимларга, шу жумладан Ўзбекистон Республикаси Марказий банкининг норматив-ҳуқуқий ҳужжатлари бўйича билимларга эга бўлиши;
• Бухгалтерия ҳисоби ва ҳисоботига доир қонунчилик ҳужжатлари, молиявий ҳисоботнинг халқаро стандартлари, аудитнинг халқаро стандартлари ҳамда уларни амалда қўллаш бўйича билим ва кўникмаларга эга бўлиши.

Меҳнат шартлари:

• Ўзбекистон Республикаси Меҳнат кодексига мувофиқ расмий ишга қабул қилиш;
• Иш жадвали: 5/2;
• Рақобатбардош иш ҳақи (суҳбат натижаларига кўра келишилади);
• Фақат асосий иш жойида фаолият юритиш, фуқаролик-ҳуқуқий шартнома асосида ишга қабул қилиш имкониятисиз;
• Манзил: Тошкент шаҳри, Шайхонтоҳур тумани, Сархумдон МФЙ, Лайлитўғон кўчаси, 266-А уй.