Сату менеджері

«Жаңа деңгейге бізбен бірге шығыңыз!»

Біз GeOnline білім беру орталығы, ҰБТ-ға дайындық бойынша онлайн білім беру орталығымыз. 5 жыл ішінде 13 000-нан астам оқушыны оқытып, тиімді жүйе құрдық. Біздің оқушылар Қазақстан бойынша география комбинацияларынан рекордтық нәтижелер көрсетуде.

Біздің мақсаттарымыз тек табыс табумен шектелмейді, сонымен қатар әлеуметтік миссиямыз бар:

1. Әр оқушыға өз армандаған оқу орнына түсуіне көмектесу біз үшін маңызды.
2. ҰБТ-ға дайындық сапасын арттырып, оны қолжетімді әрі нәтижелі етуге тырысамыз.
3. Қызметкерлерімізді дамытып, олардан мықты мамандар мен болашақ лидерлерді қалыптастыруды көздейміз.

Біз өз жетістіктерімізбен мақтанамыз! Олар:
• Оқушылардың курспен қанағаттану деңгейі 96%;
• 2024-2025 оқу жылында 384 оқушы 50/50 максималды балл алды;
• Өз ісін жақсы көретін 250+ мамандардан құралған кәсіби команда.

Егер біз өзімізді болашағы бар, сенімді және мансаптық өсу мүмкіндігі бар компания деп сеніммен айта аламыз.

Біз «жартылай нәтиже», пассивтілік және дамымауды қабылдамаймыз. Біздің мақсат — сізді мықты маман және лидер ретінде дамыту. Өс, дамы, табыс тап — біз барлық мүмкіндікті береміз.

Жұмыс шарттары:

• Дайын өтінімдермен жұмыс (суық қоңырауларсыз);
• Жоғары табыс: оклад + % + бонус;
• Шексіз табыс табу мүмкіндігі;
• Команда мен тәлімгерлердің қолдауы;
• Мансаптық өсу мүмкіндігі (сату бөлімінің жетекшісіне дейін).
  

Талаптар:

• Сатуда кемінде 1 жыл тәжірибе;
• Қазақ және орыс тілдерін еркін меңгеру (қазақ тілі — негізгі);
• Клиентпен жұмыс істей білу және келіссөз жүргізу дағдылары;
• Қарсылықтармен жұмыс істеу;
• Нәтижеге бағытталу.

Даму мен табысқа деген ұмтылыс болмаса, бізге сәйкес келмейсіз. Бізге өсуге және табыс табуға дайын адамдар керек.

Міндеттер:

• Түскен өтінімдермен жұмыс жасау;
• Оқушылар мен ата-аналарға кеңес беру;
• Клиенттің қажеттілігін анықтау және курс ұсыну;
• Өнімді таныстыру;
• Клиентті төлемге дейін жеткізу.
  

Ілеспе хат (сопроводительное письмо) құпталады!

Егер сен күн сайын дамып, адамдарға пайда әкеліп, жақсы табыс тапқың келсе, бұл жұмыс СІЗ үшін!