Korporativ sektorni rivojlantirish va tender savdolari bo‘yicha menejer (B2G/B2B)

Bu lavozimning mohiyati

A) Korporativ sektorni rivojlantirish (B2B) — asosiy yo‘nalish
Sizning vazifangiz — universitet xizmatlari va treninglarini korporativ mijozlarga sotish:
• bozor va sohalarni tahlil qilish, maqsadli kompaniyalar ro‘yxatini tuzish;
• HR/L&D, moliya, yuridik, procurement, rahbariyat bilan uchrashuvlar ochish;
• tijorat taklifi (KP), prezentatsiya, narxlash va paketlashni shakllantirish;
• muzokara, e’tirozlar bilan ishlash, shartnoma shartlarini kelishish;
• mavjud mijozlar bilan ishlash: qayta sotuv, kengaytirish, uzoq muddatli hamkorlik;
• CRM/Excel’da voronka yuritish: lead → uchrashuv → taklif → shartnoma → to‘lov.

B) Tender va xaridlar (B2G/B2B procurement) — parallel yo‘nalish
Siz tender imkoniyatlarini topasiz, ariza topshirasiz va g‘alabaga olib chiqasiz:
• platformalarda monitoring, ro‘yxatdan o‘tish va kabinet yuritish;
• hujjatlar paketi, muddatlar, izoh/so‘rovlar, ta’minot/zadatek nazorati;
• tenderdan keyin shartnoma bosqichi va ijro nazorati (ichki bo‘limlar bilan).

Muhim: bu lavozimda siz faqat hujjat emas, pul oqimi va natija uchun javob berasiz.

Qaysi platformalarda ishlaysiz
• E-auksion.uz
• xarid.uzex.uz (shop.uzex.uz, auction.uzex.uz, etender.uzex.uz)
• dxarid.uzex.uz
• cooperation.uz
• xt-xarid.uz
• birja.uzex.uz

Shuningdek, korporativ e’lonlar/zakupkalar bo‘yicha boshqa manbalarni ham topib, monitoring qilasiz.

Amaliy tajribasi yo‘q nomzodlar iltimos, ariza yubormang.

Majburiy:
• O‘zbek tili — yuqori darajada (yozma/og‘zaki, rasmiy uslub).
• Rus tili — ishonchli darajada (hujjatlar va ishbilarmon yozishma).
• Kamida 1–2 yil: korporativ sotuv yoki procurement/tender amaliyoti (ideal: ikkalasi ham).
• Muzokara, uchrashuv olib borish, qaror qabul qiluvchilar bilan ishlash tajribasi.
• Tizimlilik: muddat, chek-list, hujjatlar, status nazorati.

Afzal:
• Ingliz tili (katta ustunlik), boshqa tillar — plus.
• B2G/B2B kontraktlar, xizmatlar (training/education/consulting) bo‘yicha tajriba.

Sharoitlar
• Shtat asosida rasmiy ish.
• Yuqori oylik + katta bonus (yutilgan tenderlar va yopilgan korporativ shartnomalar natijasiga bog‘liq).
• Kuchli natija bo‘lsa, yo‘nalish rahbarligigacha tez o‘sish.

Qanday ariza topshiriladi

Kommentariysiz rezume ko‘rib chiqilmaydi.
Rezume bilan birga 6–10 qatorlik izoh yuboring:
1. Sizda korporativ sotuv va/yoki tender bo‘yicha necha yil tajriba bor?
2. Qaysi platformalarda ishlagansiz (aniq nomlari bilan)?
3. Oyiga o‘rtacha: nechta uchrashuv / nechta KP / nechta protsedura olib borasiz?
4. Eng kuchli natijangiz (summasi, soha, sizning rolingiz).
5. Til darajalari: o‘zbek/rus/ingliz.
6. Ishni qachondan boshlay olasiz?