ERP ва бизнес дастурларни қўллаб-қувватлаш мутахассиси

Бизнинг жамоа ишлаб чиқариш, логистика ва савдо корхоналари учун бошқарув ҳисоби ва ERP тизимларини автоматлаштириш билан шуғулланади. Ҳозирда мижозларимизга юқори сифатли техник хизмат кўрсатиш, уларнинг муаммоларини тезкор ва тизимли ҳал қилиш мақсадида Техник қўллаб-қувватлаш бўлимига янги мутахассис қидирмоқдамиз.

Бизга шунчаки вақтинчалик ишчи эмас, балки узоқ муддатли ҳамкорликка тайёр, жамоамиз қадриятларини ҳурмат қиладиган ва ўз ишига масъулиятли инсон керак.

Сизнинг асосий вазифаларингиз:

• Мижозлардан келиб тушадиган мурожаатларни (телефон, Telegram, тикет-тизим орқали) қабул қилиш ва уларга белгиланган регламентлар асосида хизмат кўрсатиш;
• Дастурлардаги (ERP, CRM ва бошқа бошқарув ҳисоби тизимларидаги) фойдаланувчи хатоликларини аниқлаш ва уларга тўғри йўналиш бериш;
• Мураккаб вазиятларда ваҳимага берилмасдан, вазиятни тўғри баҳолаш ва мустақил қарор қабул қилиб, муаммони ҳал этиш;
• Зарур ҳолларда техник носозликларни дастурчилар ёки татбиқ қилиш (внедрение) бўлимига тўғри ва тушунарли тарзда етказиш.

Номзодга қўйиладиган асосий талаблар (Soft & Hard Skills):

• Қадрият ва Ахлоқ: Юксак инсоний фазилатларга эга, ёлғон гапирмайдиган ва ўз хатосини мардларча тан олиб, ундан тўғри хулоса чиқара оладиган;
• Стрессга чидамлилик ва Совуққонлик: Босим остида ёки мижозлар асабийлашган вазиятларда хотиржамликни сақлайдиган, ҳис-туйғуга берилмайдиган ва шошилмасдан мантиқий фикрлайдиган;
• Пунктуаллик ва Интизом: Иш вақтига, вазифаларнинг бажарилиш муддатига (дедлайнларга) ва компания регламентларига қатъий амал қиладиган;
• Билим ва Кўникмалар: Бошқарув ҳисоби, ERP, CRM ва бошқа бизнес дастурларнинг қандай ишлаши ҳақида базавий ёки амалий тушунчага эга бўлиши;
• Тез ўрганиш қобилияти: Янги дастурлар, янги технологиялар (жумладан AI) ва жараёнларни қисқа вақт ичида мустақил ўзлаштира оладиган;
• Жамоавийлик: Индивидуалист эмас, балки умумий мақсад йўлида жамоа билан бир ёқадан бош чиқариб ишлай оладиган.

​​​​​​​Қуйидагилар сизни бошқа номзодлардан ажратиб туради (Устунлик беради):

• IT техник қўллаб-қувватлаш (Support) ёки ERP/CRM тизимлари билан ишлаш соҳасидаги амалий тажриба;
• POS қурилмалар (чек чиқариш аппаратлари, сканерлар, тарозилар) билан ишлаш, уларни созлаш кўникмаси;
• Рус тилини эркин тушуниши ва мулоқот қила олиши.

Биз нима таклиф қиламиз?

• Узоқ муддатли ва барқарор иш ўрни: Биз кадрлар қўнимсизлигини хуш кўрмаймиз, ҳар бир ходимни узоқ йиллар бирга ишлаш мақсадида ишга оламиз;
• Шаффоф ва ўсиб борувчи иш ҳақи тизими (суҳбат асосида номзоднинг тажрибасига қараб белгиланади);
• Профессионал ва аҳил жамоа билан мураккаб лойиҳаларда ишлаш орқали кучли тажриба орттириш;
• Шинам офис ва Ўзбекистон Республикаси Меҳнат кодекси асосидаги барча ижтимоий кафолатлар.