Инвестициялар бўйича риск-менежер

«Омонатларни кафолатлаш агентлиги» давлат муассаси инвестиция портфели рискларини баҳолаш, банклар ва эмитентларни таҳлил қилиш ҳамда рискларни бошқариш тизимини такомиллаштириш йўналишида тажрибали экспертни жамоага таклиф этади.

Бу лавозим Фонд активларининг барқарорлиги ва сақланишини таъминлашга қаратилган бўлиб, банк-контрагентларни баҳолаш, инвестиция лимитларини белгилаш ва стратегик риск-таҳлил жараёнларида иштирок этишни назарда тутади.

Агар сиз профессионал жамоа билан бирга ишлаб, кучли ва барқарор агентликни шакллантиришда ўз ҳиссангизни қўшиш ниятида бўлсангиз, сизни жамоамизга таклиф этамиз.

Асосий вазифалар:

• Банк-контрагентларни молиявий ва риск нуқтаи назаридан таҳлил қилиш: CAMELS, ликвидлик, капитал етарлилиги, активлар сифати ва Марказий банк нормативлари;
• банклар ва корпоратив эмитентларнинг кредит рискларини баҳолаш;
• контрагентлар бўйича лимитларни белгилаш ва қайта кўриб чиқиш юзасидан таклифлар тайёрлаш;
• кредит рискларини баҳолаш моделлари ва рейтинг методологиялари билан ишлаш;
• PD/LGD/EAD кўрсаткичлари ва рейтинглар миграциясини таҳлил қилиш;
• EWS (Early Warning System) индикаторларини ишлаб чиқиш ва мониторинг қилиш;
• инвестиция портфелининг бозор, фоиз, ликвидлик, кредит ва концентрация рискларини баҳолаш;
• инвестиция портфелини стресс-тестлаш ва молиявий моделлаштириш;
• риск-профиллар, риск-дашбордлар ва таҳлилий хулосалар тайёрлаш;
• раҳбарият, Инвестиция қўмитаси ва Кузатув кенгаши учун риск-таҳлил материалларини тайёрлаш.

Биз қандай мутахассисни излаяпмиз?

• Молия, иқтисодиёт ёки математика йўналишида олий маълумот;
• банк, инвестиция ёки молия соҳасида камида 4 йиллик иш тажрибаси;
• банк казначейлиги, риск-менежмент ёки инвестиция йўналишида камида 2 йиллик амалий тажриба;
• банкларнинг молиявий ҳисоботлари ва пруденциал кўрсаткичларини таҳлил қилиш тажрибаси;
• кредит, бозор ва ликвидлик рискларини яхши тушуниш;
• қимматли қоғозлар бозори ва Fixed Income инструментлари бўйича билим;
• молиявий моделлаштириш ва стресс-тестлаш кўникмалари;
• Excel — илғор даража;
• ўзбек тили — эркин;
• рус тили — мукаммал;
• инглиз тили — Upper-Intermediate (B2) ва ундан юқори.

Афзаллик беради:

• CFA ва/ёки FRM сертификати ёки сертификат олиш жараёнида бўлиш;
• SQL ва/ёки Python билими;
• Bloomberg / Refinitiv билан ишлаш тажрибаси;
• ALM, CAMELS, PD/LGD/EAD ва EWS методологиялари билан амалий иш тажрибаси.

Биз таклиф қиламиз

• Давлат аҳамиятига эга йирик фондда ишлаш имконияти;

• Барқарор иш жойи ва расмий ишга қабул қилиш;

• Рақобатбардош иш ҳақи (шахсан келишилади);

• Профессионал ўсиш ва ривожланиш имконияти;

• Халқаро курсларда бепул ўқиш имкони.
• Бепул тиббий check-up.

Агар сиз рискларни фақат мониторинг қилиш эмас, балки уларни чуқур таҳлил қилиш, моделлаштириш ва инвестиция қарорларининг ишончлилигини таъминлашда иштирок этишни истасангиз — сизни жамоамизга таклиф этамиз.