SMM-менеджер

Bilim Group – Қазақстандағы жетекші EdTech өнімдік компаниясы. Біз еліміздің білім беру жүйесін дамытуға үлес қосып, ауқымды өзгерістерді жүзеге асырып келеміз.

Біз «Қазақ тілі қоғамы» қоғамдық қорына қазақ тілінде сапалы контент жасап, әлеуметтік желілерді дамытатын, креативті идеялар ұсынатын және аудиториямен тиімді жұмыс істей алатын SMM-менеджерді іздейміз.

«Қазақ тілі қоғамы» қоғамдық қоры – қазақ тілін дамыту мен насихаттауды мақсат еткен ұйым. Қор қазақ тілін білім беру бағдарламалары, мәдени жобалар, цифрлық контент және түрлі іс-шаралар арқылы кеңінен дәріптейді.

Сіз не істейсіз?

Әлеуметтік желілерді жүргізу

• Instagram, TikTok, Facebook әлеуметтік желілеріне арналған контент-жоспар әзірлеу және оны жүзеге асыру;
• Қазақ тілінде сауатты әрі тартымды мәтіндер жазу;
• Жарияланымдарды жоспарлау, жариялау және олардың тиімділігін талдау;
• Әлеуметтік желілердегі аудиториямен байланыс орнатып, белсенділікті арттыру.

Контент әзірлеу

• Қысқа видеолардың идеясы мен сценарийін дайындау;
• Түсірілім процесін ұйымдастыру және қажет болған жағдайда камера алдында жүргізуші немесе кейіпкер ретінде қатысу;
• Әлеуметтік желілердегі заманауи трендтерді бақылап, оларды контентте тиімді пайдалану.

Контентті дамыту және оңтайландыру

• Әлеуметтік желілердің көрсеткіштерін талдап, жаңа ұсыныстар енгізу;
• Контенттің сапасы мен бренд стилінің сақталуын қамтамасыз ету;
• Командамен бірлесіп ұлттық және халықаралық жобаларды ақпараттық сүйемелдеу.

Біз сізден не күтеміз?

• Қазақ тілінде сауатты мәтін жаза білу;
• SMM саласында кемінде 1–2 жыл жұмыс тәжірибесінің болуы;
• Instagram, TikTok, Facebook платформаларын кәсіби деңгейде жүргізе білу;
• Әлеуметтік желілердегі заманауи трендтерді түсініп, оларды тәжірибеде қолдана алу;
• Камера алдында еркін сөйлеп, қажет болған жағдайда бейнероликтерге түсе білу;
• Қысқа видеолардың сценарийін әзірлеп, түсірілім ұйымдастыра алу;
• Жауапкершілігі жоғары, бастамашыл әрі креативті болу.

Артықшылық болады:

• Canva немесе басқа қарапайым дизайн құралдарын меңгеруі;
• ChatGPT, Figma, Photoshop және басқа AI құралдарын жұмыс барысында қолдана білуі.

Біз не ұсынамыз?

• Ірі жергілікті компанияда жұмыс істеу мүмкіндігі;
• Ресми жұмысқа орналасу;
• Қолайлы және қолдаушы команда — сыйластықты, ашық-жарқын және достық ортаны бағалаймыз;
• Ұлттық және халықаралық қызықты жобаларға қатысу;
• Іс-шаралар, квиздер, meet-up’тар және Тәтті күн — дәмді тағамдар мен көңілді кездесулер өткіземіз;
• Демалыс аймақтары бар жайлы кеңселер — кофе, шай, Xbox, үстел теннисі,

Жұмыс форматы

• Толық жұмыс күні;
• Дүйсенбі–Жұма, 09:00–18:00;
• Алғашқы күннен бастап штатқа қабылдау;
• Сынақ мерзімі – 3 ай;