Давлат харидлари иштирокчиларини қўллаб-қувватлаш департаменти мутахассиси

Биз давлат харидлари оператори ва товар хом-ашё биржаси йўналишида фаолиятни кенгайтириш мақсадида малакали, ташаббускор мутахассисларни ишга таклиф этамиз. Ушбу лавозим давлат буюртмачилари, иштирокчилар билан бевосита ишлаш, уларни электрон тизимга жалб қилиш ва самарали фаолиятини йўлга қўйишга қаратилган.
Асосий вазифалар:
• Давлат буюртмачиларини давлат харидлари ва товар хом-ашё биржаси электрон тизимига жалб қилиш ва рўйхатдан ўтказишда амалий ёрдам кўрсатиш;
• Уларнинг тизимда фаол ва самарали иштирокини таъминлаш;
• Давлат буюртмачиларига тизим имкониятлари, афзалликлари ва қулайликларини тушунтириш мақсадида учрашувлар, тақдимотлар ва семинарлар ташкил этиш;
• Мижозларга маслаҳат ва ахборот ёрдамини кўрсатиш;
• Иштирокчилардан келиб тушган мурожаатларни таҳлил қилиш ва уларни ҳал этишда иштирок этиш;
• Давлат харидлари жараёнини оптималлаштириш бўйича таклифлар ишлаб чиқиш.
Талаблар:
• Олий маълумот (иқтисодиёт, ҳуқуқ, молия ёки бошқа тегишли йўналишлар);
• Савдо, маркетинг ёки мижозлар билан ишлаш йўналишида камида 2–3 йиллик тажриба;
• Кучли коммуникация ва музокара олиб бориш кўникмалари;
• Жамоада ишлаш ва натижага йўналтирилганлик;
• Компьютер саводхонлиги (MS Office, электрон ҳужжат айланиши);
• Рус ва/ёки инглиз тилларини билиш – устунлик беради.

Биз таклиф қиламиз:
• Рақобатбардош маош ва самарадорликка боғлиқ бонус тизими;
• Карьера ўсиши ва профессионал ривожланиш имкониятлари;
• Давлат ва йирик хусусий ташкилотлар билан ишлаш тажрибаси;
• Замонавий иш муҳити ва кучли жамоа;
• Расмий бандлик ва ижтимоий кафолатлар.

Нима учун айнан биз?
EBIRJA — бу нафақат иш жойи, балки профессионал ривожланиш платформаси. Сиз давлат харидлари тизимининг ривожланишида бевосита иштирок этасиз ва реал натижаларга таъсир кўрсатасиз.