Administrator | администратор

1. Lavozim haqida umumiy ma’lumotlar.

1.1. Shtat ma’lumotlari:
a) lavozim nomi – Sotuv va rivojlantirish bo‘limi administratori (bundan keyin matnda xodim);
b) bo‘lim – Sotuv va rivojlantirish bo‘limi;
c) kimga bo‘ysunadi – Kompaniya rahbari, bo‘lim mudiri;
d) kimlar unga bo‘ysunadi – Sotuv va rivojlantirish bo‘limi xodimlari;
e) lavozim maqsadi – Kompaniyada kundalik ma’muriy va tijoriy jarayonlarni samarali tashkil etish, mijozlar va tashrif buyuruvchilar bilan ishlashni muvofiqlashtirish hamda ichki tartib va xizmat ko‘rsatish sifatini ta’minlash.

1.2. Ish faoliyati:
a) ish joyi – Shartnomaga ko‘ra;
b) ish vaqti tartibi – Shartnomaga ko‘ra;
c) ish kiyimi – klassik.

1.3. Umumiy vazifalar:
a) kompaniyaga tashrif buyuruvchilarni kutib olish va yo‘naltirish;
b) mijozlar bilan dastlabki aloqa o‘rnatish;
c) qo‘ng‘iroqlar va yozishmalarni qabul qilish va yo‘naltirish;
d) ichki tartib va intizomni nazorat qilish;
e) hujjatlar aylanishini tashkil etish;
f) ofis muhitini tartibda saqlash;
g) xodimlar va mijozlar o‘rtasida aloqa o‘rnatishga ko‘maklashish;
h) kompaniya xizmatlari haqida boshlang‘ich ma’lumot berish;
i) xizmat ko‘rsatish sifatini ta’minlash.

1.4. Talab etilgan ma’lumot:
a) o‘rta maxsus yoki oliy ma’lumot;
b) ma’muriy ishlar yoki xizmat ko‘rsatish sohasidagi bilimlar (afzal).

1.5. Ish tajribasi:
a) ma’muriy yoki mijozlar bilan ishlash sohasida kamida 2 yillik tajriba;
b) shu sohada kamida 1 yillik tajriba, ofis boshqaruvi bo‘yicha tajriba afzal.

1.6. Bilimlar:
a) sotuv asoslari va savdo jarayonlari;
b) mijozlar bilan ishlash tamoyillari;
c) CRM tizimlaridan foydalanish;
d) kompaniya xizmat va tovarlari haqida bilim;
e) muzokara olib borish asoslari;
f) ofis boshqaruvi asoslari;
g) o‘zbek va rus tillarini (og‘zaki va yozma tarzda) mukammal bilishi (ingliz tilini ham bilishi afzal);
h) MS Office (Word, Excel), Google Drive va boshqa raqamli vositalarni bilish.

1.7. Ko‘nikmalar:
a) mijozlar bilan samarali muloqot qilish;
b) sotuvni yopish (closing) ko‘nikmasi;
c) muzokara olib borish, e’tirozlar bilan ishlash;
d) hisobot yuritish, hujjatlar bilan ishlash;
e) tashkiliy ishlarni olib borish;
f) “Edu Tizim” dasturida mukammal ishlash.

1.8. Shaxsiy sifatlar:
a) kommunikativlik; b) tashabbuskorlik; c) natijaga yo‘naltirilganlik;
d) mas’uliyatlilik; e) stressga chidamlilik; f) intizomlilik.