Sotuv bo`limi rahbari

Biz o`z jamoamizga tajribali SOTUV BO'LIMI RAHBARI (HEAD OF SALES) QIDIRYAPMIZ!

Siz shunchaki jarayonlarni nazorat qilib, ofisda qog'oz titkilaydigan "menejer"misiz yoki bozorni titratib, raqobatchilarning eng yog'li mijozlarini tortib oladigan "Sotuvchilar Generali"misiz? Agar ikkinchisi bo'lsa, o'qishni davom eting! Biz aynan Sizni qidirmoqdamiz

Biz — Xitoydan O'zbekistonga istalgan turdagi yuklarni ishonchli va tez yetkazib beruvchi ambitsiyali xalqaro logistika kompaniyasimiz! Bizning maqsadimiz — shunchaki "yaxshi" ishlash emas, balki O'zbekiston logistika bozorida so'zsiz Lider bo'lish. Infratuzilmamiz, bojxona brokerlarimiz va Xitoydagi omborlarimiz soatdek ishlamoqda.

Endi bizga ushbu ulkan mexanizmga millionlab dollarlik "yoqilg'i" (mijozlar) quyadigan, o'z orqasidan "Savdo bo'rilari" jamoasini ergashtira oladigan haqiqiy Lider kerak!

SIZNING ASOSIY "JANG MAYDONINGIZ" (Vazifalar):

• B2B Savdoni karralash (X2, X3): kompaniyaning oylik va yillik daromadini (Revenue) oshirish strategiyasini ishlab chiqish va yangi bozor kanallarini ochish.

• "Ovchilar" jamoasini shakllantirish: Kuchli sotuvchilarni ishga olish, ularni o'qitish (skriptlar, e'tirozlarni yengish, muzokara sirlari) va har biridan yengilmas "Terminator" yasash.

• VIP Muzokaralar (Key Accounts): Bozordagi eng yirik korporatsiyalar, dilerlar va zavodlar bilan yopiq eshiklar ortida shaxsan muzokara olib borish va millionlik shartnomalarni "yopish" (Closer).

• Tizim va Intizom: AmoCRM tizimida savdo voronkasini (Sales Funnel) ideal holatga keltirish. "Men bilmabman", "Mijoz esdan chiqibdi" degan tushunchalarni yo'q qilish va qarorlarni faqat LTV, CAC, Konversiya raqamlariga qarab qabul qilish.

• Sinergiya: Logistika, Xarid va Moliya bo'limlari o'rtasidagi "beton devorlarni" buzib, mijoz uchun bitta musht bo'lib ishlash tizimini yaratish.

SIZNING DNK-ingiz (Bizning talablar):

Tajriba: B2B savdo sohasida kamida 3-5 yil va Rahbarlik (Head of Sales / Team Lead) lavozimida kamida 1-2 yillik olovli tajriba. (Xalqaro Logistika, Tashqi iqtisodiy faoliyat (TIF / ВЭД) va Bojxona sohasini tushunish — SIZ UCHUN ULKAN USTUNLIK!).

Yutuqlar Portfeli: "Men u yerda ishladim" emas, "Men X dollar daromad qildim va jamoani Y foizga o'stirdim" deb raqamlarda gapira oladigan isbotlangan keyslar.

Liderlik: Odamlarni ruhlantira oladigan, shu bilan birga intizomni temirdek ushlaydigan, bahona emas, yechim qidiradigan xarakter.

Tillar: O'zbek tilida B2B darajasida mukammal va ta'sirchan muzokara olib borish. (Xitoy yoki Ingliz tilini bilish raqobatchilarni o'ldiradigan "Joker" kartangiz bo'ladi!).

BIZ SIZGA NIMA TAKLIF QILAMIZ?

Biz qoliplarga kiritilgan byurokratik idora emasmiz. Biz natija uchun CHEKSIZ imkoniyat beramiz!

• Daromadda "Shift" (potolok) yo'q: Munosib kafolatlangan FIKS MAOSH (Oklad) + BO'LIMNING UMUMIY SAVDOSIDAN FOIZ (KPI). Agar siz haqiqiy yirtqich bo'lsangiz, daromadingiz bozordagi o'rtacha maoshdan 3-4 barobar yuqori bo'lishini kafolatlaymiz! Siz qancha ko'p topsangiz, biz shuncha xursand bo'lamiz!

• Mutlaq avtonomiya: Biz mikromenejmentni yomon ko'ramiz. "Mana senga maqsad va byudjet, jamoangni o'zing xohlaganday qur va natija ber" tamoyili.

• Kuchli orqa front: Siz sotgan xizmatni uyaltirib qo'ymaydigan professional logistlar va tezkor bojxona brokerlari jamoasi.

• Karyera va dunyo: Biznesni kengaytirish doirasida Xitoy xalqaro ko'rgazmalariga (Canton Fair, Yiwu) xizmat safarlari, zamonaviy ofis va doimiy rivojlanish.

QANDAY QILIB BIZNING JAMOAGA QO'SHILISH MUMKIN?

Agar siz yuqoridagilarni o'qib, "Bu aynan mening jang maydonim!" deb his qilgan bo'lsangiz, biz quruq va zerikarli rezyumelar bilan cheklanmaymiz!

O'zingizning yutuqlaringiz aks etgan REZYUME (CV) ni tayyorlang.

DIQQAT! HR-FILTR: Quruq rezyumeni o'zini yubormang! Xatning mavzu qismida "MEN O'SHA SAVDO GENERALIMAN" degan kodli so'zni yozing va nima uchun aynan siz bizning savdo bo'limimizni portlata olishingizni 2-3 ta qisqa jumlada asoslab yozing.

Biz Sizni kutyapmiz shoshiling!