Ахборот технологиялари ва киберхавфсизлик департаменти директори (Head of IT)

Агар сиз «Омонатларни кафолатлаш агентлиги»нинг IT стратегиясини ишлаб чиқиш ва амалга ошириш, инфратузилманинг барқарор ишлашини таъминлаш ҳамда рақамли трансформацияни бошқаришга қодир тажрибали лидер бўлсангиз — жамоамизга таклиф этамиз.

Бу оддий IT директор лавозими эмас.
Сиз Ўзбекистон банк тизими барқарорлиги учун масъул давлат молиявий регулятор институтида IT стратегияни шакллантириш ва бошқаришда асосий роль ўйнайсиз.

Агентлик 1031-қонун (lex.uz) асосида мустақил молиявий институт сифатида фаолият юритади ва банклар тугатилиши, компенсация жараёнлари ҳамда молиявий рискларни бошқариш соҳасида стратегик аҳамиятга эга.

Асосий вазифалар:

1. IT стратегия ва бошқарув

• Агентлик стратегиясига мувофиқ IT стратегия ишлаб чиқиш ва жорий этиш

• IT бюджети ва харажатлар самарадорлигини назорат қилиш

• IT governance тизимини шакллантириш

• Ички IT сиёсат ва регламентларни ишлаб чиқиш

2. IT лойиҳаларни бошқариш

• IT лойиҳалар портфелини бошқариш

• Agile / Waterfall / Hybrid методологияларини қўллаш

• Лойиҳа рискларини баҳолаш ва камайтириш

• Раҳбариятга стратегик ҳисобот тақдим этиш

3. Инфратузилма ва киберхавфсизлик

• Сервер, тармоқ, БД ва корпоратив тизимлар узлуксиз ишлашини таъминлаш

• DRP / BCP тизимини ташкил қилиш

• Ахборот хавфсизлиги стандартларини жорий этиш

4. Рақамли трансформация

• ERP, CRM ва корпоратив тизимларни ривожлантириш

• Автоматлаштириш ва рақамли ечимларни жорий қилиш

• Вендор ва аутсорсинг компаниялар билан ишлаш

📌 Талаблар

• IT соҳасида олий маълумот

• 7–10 йиллик IT тажриба, шу жумладан раҳбарлик позицияларида

• IT Project Management амалиёти (PMP / PRINCE2 / Agile устунлик)

• Корпоратив IT архитектура ва инфратузилма бўйича билим

• Ахборот хавфсизлиги ва IT рискларини бошқариш тажрибаси

• Стратегик фикрлаш ва қарор қабул қилиш қобилияти

Шароитлар:

• Давлат молия тизимига таъсир этувчи қарорларда иштирок

• Регулятор даражасида IT governance қуриш имконияти

• Институционал даражада рақамли трансформацияни бошқариш

• Рақобатбардош иш ҳақи + байрамларда бонус ва мукофотлар.

• Халқаро курслар ва сертификатлар харажатлари — ўқиб битирганлик ҳақида сертификат тақдим этилганда қоплаб берилади.

• Лидерлик позицияси — юқори малакали мутахассислар жамоасига раҳбарлик қилиш.