Юрист (молия ва банк ҳуқуқи, 7+ йил тажриба)

⚠️ Илтимос, эълонни охиригача ўқинг. Ушбу лавозимга фақат молия соҳасида 7 йилдан ОРТИҚ юридик тажрибага эга номзодлар мурожаат қилиши сўралади.

ЛАВОЗИМ ҲАҚИДА

Омонатларни кафолатлаш агентлиги — давлат молия тизимининг барқарорлигини таъминловчи регулятор институт бўлиб, банклар тугатилиши, компенсация тўловлари ва молиявий рисклар билан боғлиқ ҳуқуқий жараёнларда фаол иштирок этади.

Биз банк, молиявий институтлар билан тўғридан-тўғри ишлаган, тўловга қобилиятсизлик жараёнларида бевосита қатнашган чуқур амалий тажрибага эга юристни излаяпмиз.

Асосий вазифалар:

• Банк ва молия соҳасига оид қонунчиликни ҳуқуқий таҳлил қилиш;
• Банклар тугатилиши (ликвидация / резолюция) жараёнларида кредитор сифатида иштиок этиш ва Агентлик манфаатларини ҳуқуқий таъминлаш;
• Компенсация тўловлари ва омонатчилар ҳуқуқларини таъминлаш юзасидан ҳуқуқий хулосалар тайёрлаш;
• Молиявий, инвестицион ва хизмат кўрсатиш шартномаларини экспертиза қилиш;
• Давлат органлари, банклар ва финтех компаниялар билан ҳуқуқий музокаралар олиб бориш;
• Қонунчилик ҳужжатларига таклифлар бериш ва Агентлик фаолияти билан боғлиқ янги қонунчилик ҳужжатлари қабул қилинишида иштирок этиш;
• Ички ҳужжатларни ишлаб чиқиш.

МАЖБУРИЙ ТАЛАБЛАР:

⚠️ УШБУ БЎЛИМГА МОС КЕЛМАГАН НОМЗОДЛАР АНКЕТАСИ КЎРИБ ЧИҚИЛМАЙДИ

• Олий юридик маълумот;
• МОЛИЯ СОҲАСИДА камида 7 йил юридик тажриба:
  • банклар;
  • финтех компаниялар;
  • микромолия ташкилотлари;
  • тўлов тизимлари;
  • бошқа моляи институтлари.
• Банк қонунчилиги, депозитлар, кафолатлаш механизмлари билан амалий иш тажрибаси;
• Банк лицензияси, чеклов ёки тугатиш жараёнларида иштирок этган бўлиши — катта устунлик;
• Шартнома ҳуқуқи ва регулятор ҳужжатлар билан ишлаш тажрибаси.

⛔ Қуйидаги тажрибалар МОС КЕЛМАЙДИ:

• Фақат суд юристи;
• Фақат хўжалик шартномалари билан ишлаган юрист;
• Фақат нотариал, кадрлар ёки умумий корпоратив ҳуқуқ;
• Молия соҳасидан бошқа соҳадан ташқари 7 йиллик юридик тажриба.

БИЗ НИМАНИ ТАКЛИФ ҚИЛАМИЗ

• Рақобатбардош маош, банк ва молия бозори даражасида, тажрибага қараб белгиланади;

• Ўзбекистонда ягона депозитлар кафолатлаш бўйича регулятор агентликда ишлаш имконияти — банк тизимининг энг муҳим қарорларида бевосита иштирок;

• Банклар тугатилиши, лицензия ва компенсация тўловлари бўйича нодир ва юқори даражадаги профессионал тажриба;

• Агентлик қарорлари, ҳуқуқий позициялар ва регулятор ҳужжатларини шакллантиришда тўғридан-тўғри иштирок;

• Халқаро ўқув курслари ва профессионал дастурларда бепул иштирок этиш имконияти (banking law, AML/CFT, fintech regulation);

• 24 календар кунлик ҳақ тўланадиган меҳнат таътили;

• Чораклик ва йиллик натижалар бўйича мукофотлар;

• Давлат ва касбий байрамлар муносабати билан, шунингдек ходим ҳаётидаги муҳим воқеаларда қўшимча мукофот пуллари;

• Барқарор иш жойи, аниқ регламентлар ва иш–ҳаёт балансига эга профессионал муҳит.

​​​​Агар сиз банк ёки финтех соҳасида тажрибали юрист сифатида фақат шартномалар эмас, балки бутун банк тизими барқарорлигига таъсир қилувчи қарорларда иштирок этишни истасангиз — ушбу лавозим айнан сиз учун.