Бош мутахассис (Кредитларни бошқариш ва мониторинг ўтказиш бўлими)

Вазифалар:

• Кредитларни бошқариш ва мониторинг бўлими доирасида кредит портфелини мониторинг қилиш, таҳлил қилиш ва назорат қилиш ишларини амалга ошириш;
• Ажратилган кредитлар бўйича мижозларнинг тўлов интизомини, шартнома шартларига риоя этилишини ҳамда мақсадли фойдаланилишини доимий назорат қилиш;
• Кредит портфелининг сифатини баҳолаш, муаммоли ҳолатларни эрта аниқлаш ва уларни бартараф этиш бўйича таклифлар ишлаб чиқиш;
• Мижозларнинг молиявий ҳолатини таҳлил қилиш, тўлов қобилиятини баҳолаш ҳамда кредит рискларига оид хулосалар тайёрлаш;
• Банкнинг ички меъёрий ҳужжатлари ва Ўзбекистон Республикаси қонунчилиги талабларига риоя этилишини таъминлаш.

Талаблар:

• Олий маълумот (иқтисодий, молиявий);
• Банк соҳасида камида 2 йил иш тажрибаси (кредитлаш, кредитларни бошқариш ёки мониторинг йўналишида бўлиши афзал);
• Ўзбекистон Республикасининг банк қонунчилиги, кредитлаш ва кредит рискларини бошқаришга оид меъёрий ҳужжатларини билиш;
• Ўзбек тилини мукаммал билиш, рус тилини билиш афзаллик беради;
• Банк ахборот тизимлари билан ишлаш кўникмаси (IABS ва бошқа дастурлар);
• Юқори таҳлилий фикрлаш, диққатлилик, масъулиятлилик ҳамда мустақил қарор қабул қилиш қобилиятига эга бўлиш.

Иш шартлари:

• Ўзбекистон Республикаси меҳнат қонунчилигига мувофиқ расмий ишга қабул қилиш;
• Банк тизимида барқарор иш ўрни ҳамда касбий ва профессионал ўсиш имкониятлари;
• Очиқ ва шаффоф иш ҳақи тизими (оклад + KPI), ойига 3 марта иш ҳақи тўланади;
• Иш вақти: ҳафтада 5 кун, душанба–жума;
• Қулай иш муҳити ва аҳил жамоа.