Кичик ва корпоратив бизнесни ривожлантириш шўъбаси мудири

Вазифалар:

• Кичик ва корпоратив бизнесни ривожлантириш шўъбаси фаолиятини ташкил этиш, мувофиқлаштириш ва назорат қилиш;
• Кичик бизнес ва корпоратив мижозлар учун банк маҳсулотлари ва хизматларини ривожлантириш ҳамда уларни фаол тарғиб қилиш;
• Кичик ва корпоратив бизнес субъектларига ажратилган кредитлар портфелини таҳлил қилиш, сифатини яхшилаш ва муаммоли ҳолатларни бартараф этиш бўйича чора-тадбирлар кўриш;
• Мижозларнинг молиявий ҳолатини таҳлил қилиш, тўлов қобилиятини баҳолаш ҳамда кредитлаш бўйича хулосалар тайёрлаш;
• Кредитлаш, лимит белгилаш ва қарздорликни реструктуризация қилиш бўйича таклифлар ишлаб чиқиш ва тегишли комиссияларда ҳимоя қилиш;
• Банк комиссиялари ва йиғилишлари учун таҳлилий маълумотлар, тақдимотлар ва хулосалар тайёрлаш;
• Турли тегишли таркибий бўлинмалар билан ўзаро самарали ҳамкорликни таъминлаш;
• Кичик ва корпоратив бизнесни ривожлантириш шўъбаси ходимларининг иш фаолиятини баҳолаш, вазифаларни тақсимлаш ва ижросини назорат қилиш.

Талаблар:

• Олий маълумот (иқтисодий, молиявий);
• Банк соҳасида камида 2 йил иш тажрибаси (кичик ёки корпоратив бизнесни кредитлаш йўналишида бўлиши афзал);
• Ўзбекистон Республикасининг банк, кредитлаш ва корпоратив мижозлар билан ишлашга оид қонунчилигини яхши билиш;
• Ўзбек тилини мукаммал билиш, рус тилини билиш афзаллик беради;
• Банк ахборот тизимлари билан ишлаш кўникмаси (IABS ва бошқа дастурлар);
• Стратегик ва таҳлилий фикрлаш, қарор қабул қилиш, жамоа билан ишлаш ва юқори ташкилий қобилиятларга эга бўлиш.

Иш шартлари:

• Ўзбекистон Республикаси меҳнат қонунчилигига мувофиқ расмий ишга қабул қилиш;
• Банк тизимида раҳбарлик лавозимида барқарор иш ўрни ҳамда касбий ва профессионал ўсиш имкониятлари;
• Очиқ ва шаффоф иш ҳақи тизими (оклад + KPI), ойига 3 марта иш ҳақи тўланади;
• Иш вақти: ҳафтада 5 кун, душанба–жума;
• Қулай иш муҳити ва аҳил жамоа.